E-TJERA

Problematika e njohjes së pensioneve, zhvillohet konferenca me temë "Shqiptarët në Itali: Puna, Integrimi dhe Mbrojtja Sociale": Çfarë u arrit

Problematika e njohjes së pensioneve, zhvillohet konferenca me temë
Në foto: Pamje nga konferenca online me temë: “Shqiptarët në Itali: Puna, Integrimi dhe Mbrojtja Sociale

Romë- Zhvillohet konferenca me temë: “Shqiptarët në Itali: Puna, Integrimi dhe Mbrojtja Sociale”, gjatë së cilës u diskutua problematika e njohjes së të drejtës së pensioneve për qytetarët shqiptarë në Itali, çështje që prek një numër të madh prej tyre.

Organizatoret e kësaj konference ishin një numër sindikatash dhe institucionesh italiane si FaiCisl (Sindikata e Punëtorëve të Industrisë Agrare), INAS (Instituti Kombëtar i Sigurimeve Shoqerore), Confronti (Qendra e Studimeve Sociale, Politike e Fetare) në bashkëpunim me Ambasadën e Shqiperisë në Itali.

Ky ishte hapi i parë i një fushatë sensibilizuese publike ndaj institucioneve dhe politikës italiane për të marrë vendime konkrete në planin e njohjes të së drejtës së pensioneve për qytetarët shqiptarë me vendbanim të rregullt në Itali.

Nga pala shqiptare në këtë aktivitet morën pjesë zëvendësministri i Evropës dhe Punëve të Jashtme, Sokol Dedja, në cilësinë e Koordinatorit Kombëtar për Mbrojtjen Sociale dhe Pensionet për shqiptarët në Diasporë dhe ambasadorja e Shqipërisë në Romë, Anila Bitri.

Nga pala italiane morën pjesë zëvendësministrja e Punës dhe Çështjeve Sociale, Francesca Puglisi; Kryetari i Komisionit parlamentar për Punën dhe Mbrojtjen Sociale, Senatori Tommaso Nannicini (PD); Sekretari i Përgjithshëm i FAI CISL, Onofrio Rota; Presidenti i INAS CISL, Gigi Petteni; Sekretari i Përgjithshem i CISL Giulio Romani, dhe sociologu Rando Devole.

Ajo çka vlen të theksohet është se konferenca online pati një interes të madh nga qytetarët, duke arritur një numër rekord shikueshmërie, gati 42 vieës në faqet zyrtare në ‘Facebook’ të FAI CISL, Centro di Studi Confronti dhe të Ambasadës së Shqipërisë në Romë.

Gjatë kësaj konference u paraqitën dëshmi të gjalla të qytetarëve shqiptarë që kanë punuar dhe kontribuar gjatë këtyre tri dekadave në Itali, si dhe u theksua problematika e mbrojtjes sociale dhe e pensioneve, po shkon drejt një marrëveshjeje përfundimtare mes të dy vendeve.

Njohja e së drejtës së pensioneve për qytetarët shqiptarë dhe marrëveshja eventuale do të jetë një dëshmi tjeter e thellimit të marrëdhenieve të ngushta te partneritetit strategjik mes Shqipërisë dhe Italisë, nënvizoi pjesëmarrësit e këtij takimi.

Ditari politik

Të fundit