Flash News

Drejtori i ARRSH-së paraqitet në SPAK

Berisha thërret protestë më 16 maj: Zgjedhjet u diktuan nga bandat kriminale

Dosja “Toyota Yaris”/ SPAK kërkon 6 vite burg për avokatin Radovan Çela

Shkodër, familjarët gjejnë të varur 65-vjeçaren

Burgu i Durrësit ‘bastion’ i PS

E-TJERA

Prodhimi global i kokainës/ Raporti i OKB: Grupet shqipfolëse, rol kyç në trafikun e drogës. Dominojnë tregjet britanike

Politiko 16 Mars 2023, 10:59

Prodhimi global i kokainës/ Raporti i OKB: Grupet shqipfolëse, rol

Prodhimi global i kokainës ka arritur nivele rekord me rikthimin e kërkesës pas bllokimeve të Covid. Zyra e OKB-së për Drogën dhe Krimin, në një raport të përgatitur, thotë se kultivimi i kokainës u rrit me 35% midis 2021 dhe 2022 në nivele rekord.

Gjetjet sugjerojnë se qendra të reja për trafikim janë shfaqur në Afrikën Perëndimore dhe Qendrore. Raporti thekson se trafikantët po përdornin më shpesh shërbimet postare ndërkombëtare për të çuar drogën te konsumatorët.

Evropa dhe Amerika e Veriut janë tregjet më të mëdha për kokainën, e ndjekur nga Amerika e Jugut dhe Qendrore dhe Karaibet.

Në Mbretërinë e Bashkuar, raporti thotë se ka pasur një "rritje të konsiderueshme" të konfiskimeve të kokainës në "mënyrat e shpejta të paketave dhe postës". Kolumbia ende dominon rrugët e trafikimit, megjithëse shtigjet për në Evropë kanë evoluar.

Grupet kriminale meksikane dhe ballkanike janë afruar më pranë qendrës së prodhimit për të fituar akses në furnizime. Këtu futet edhe roli i grupeve shqipfolëse në trafikun e lëndëve narkotike. Sipas raportit të OKB-së grupet kriminale shqiptare, e nisin shpërndarjen e kokainës nga Holanda, ku spikat porti i Roterdamit.

“Nga Holanda, kokaina shpërndahet më tej në vende të tjera evropiane dhe grupet shqipfolëse duket se luajnë një rol të rëndësishëm në këtë, veçanërisht në trafikun drejt Italisë dhe Shqipërisë. Destinacioni i rëndësishëm i Mbretërisë së Bashkuar, ku grupet shqipfolëse janë vlerësuar gjithashtu se ushtrojnë kontroll të konsiderueshëm në tregun e drogës, furnizohet gjithashtu në një masë të madhe nëpërmjet porteve të mallrave në jug- në lindje të Shteteve të Bashkuara”, thotë raporti.

Përdorimi i kokainës krak është në trend rritës në disa vende të Evropës Perëndimore, duke përfshirë Britaninë e Madhe, Belgjikën, Francën dhe Spanjën.

Prodhimi global i kokainës/ Raporti i OKB: Grupet shqipfolëse, rol

Të fundit