Flash News

Kur nderi ‘vret’ më shumë se dhuna, Lediona Braho për Politiko: Incesti, një problem i heshtur në shoqërinë shqiptare

Vijon zjarri në inceneratorin e Elbasanit, tymi toksik rrezikon shëndetin e qytetarëve

SHBA feston 249-vjetorin e Pavarësisë

Pas ultimatumit të Ramës, japin dorëheqjen të gjithë drejtorët e bashkisë së Vlorës

Posta e mëngjesit/ Me 2 rreshta: Çfarë pati rëndësi dje në Shqipëri

E-TJERA

Prokuroria dërgon për gjykim Mario Përlleshajn për vrasjen e Martin Canit, nën hetim stafi i shkollës

Politiko 11 Shkurt 2025, 15:06

Prokuroria dërgon për gjykim Mario Përlleshajn për vrasjen e

Prokuroria e Tiranës ka përfunduar hetimet për vrasjen e 14-vjeçarit Martin Cani dhe ka dërguar për gjykim autorin e dyshuar, të miturin Mario Përlleshaj. Ai akuzohet për veprën penale "Vrasje në rrethana cilësuese" ndaj një të mituri dhe kundër dy ose më shumë personave, në dëm të Martin Canit dhe Luis Meçja.

Sipas njoftimit zyrtar, prokuroria ka regjistruar një procedim penal edhe për veprën penale “Shpërdorim i detyrës”, ndaj stafit të shkollës "Fan Noli", për veprime ose mosveprime që mund të kenë ndikuar në parandalimin e ngjarjes. Hetimet për këtë çështje vazhdojnë për të individualizuar përgjegjësitë penale të personave të përfshirë.

Ngjarja tragjike
Vrasja e rëndë ndodhi mesditën e 18 tetorit 2024, pas një konflikti mes të miturve që agravoi në përdorimin e thikës. Mario Përlleshaj, nxënës në klasë paralele me viktimën, ka goditur me thikë në bark Martin Canin, i cili humbi jetën në spital si pasojë e plagëve të marra. I plagosur mbeti edhe shoku i viktimës, Luis Meçja, si dhe vetë autori, i cili u trajtua në një spital privat.

Prokuroria ka ndarë aktet për hetimin e stafit shkollor dhe do të vijojë me veprime të mëtejshme për të përcaktuar përgjegjësinë e tyre ligjore në këtë ngjarje.

NJOFTIMI I PROKURORISË:

Vrasja e të miturit tek Shkolla ‘Fan Noli’, Prokuroria Tiranë dërgon në gjyq për ‘Vrasje në rrethana cilësuese’ ndaj një të mituri dhe kundër dy ose më shumë personave shtetasin M.P

Prokuroria pranë Gjykatës së Shkallës së Parë të Juridiksionit të Përgjithshëm, Tiranë, përfundoi hetimet dhe dërgon në gjyq shtetasin M.P., i akuzuar për kryerjen e veprës penale ‘Vrasje në rrethana cilësuese’ ndaj një të mituri dhe kundër dy ose më shumë personave, e parashikuar nga neni 79, shkronja a) dhe dh) i Kodit Penal, në dëm të të miturve M.C. dhe L.M.

Pas një hetimi të plotë dhe të gjithanshëm, Prokuroria pranë Gjykatës së Shkallës së Parë të Juridiksionit të Përgjithshëm Tiranë, ka përfunduar hetimet lidhur me procedimin penal nr.7676, të regjistruar datë 18.11.2024/

Gjithashtu, nga ana e organit të akuzës është vendosur ndarja e akteve të këtij procedimi, të akteve që lidhen me veprën penale “Shpërdorim i detyrës”, parashikuar nga neni 248 i K.Penal, lidhur me veprimet apo mosveprimet e stafit të shkollës, të cilat janë regjistruar në një procedim tjetër, dhe për të cilin hetimet vazhdojnë pasi është e domosdoshme kryerja e veprimeve të tjera hetimore, me qëllim individualizimin e fajësisë dhe përgjegjësive penale konkrete.