Flash News

Bordi ndryshon sërish çmimet karburantit, sa do të shtet nafta, benzina dhe gazi

Makina përplas këmbësorin për vdekje në Maliq

Plani i ri i Britanisë për të larguar shqiptarët/ Çfarë është “lista e bardhë” dhe si do të funksionojë

Posta e mëngjesit/ Me 2 rreshta: Çfarë pati rëndësi dje në Shqipëri

Pse dy Kuvendet nuk bashkuan, por theksuan ndarjet dhe problemet e kombit shqiptar

E-TJERA

Prokuroria ndalon publikimet në media, Reporterët Pa Kufij: Gazetarët s’mund të kërcënohen me burg

Politiko 29 Shtator 2022, 18:21

Prokuroria ndalon publikimet në media, Reporterët Pa Kufij:

Reporterët Pa Kufij kanë reaguar pas urdhrit të Prokurorisë së Tiranës për të ndalujar mediat të publikojnë të dhënat dhe informacionet që rrodhën nga sulmi kibernetik i organizuar nga Irani.

RSF dënon urdhrin duke theksuar se gazetarët nuk mund të kërcënohen me burg për të mos publikuar material në media.

“Prokurorët shqiptarë kanë ndaluar mediat të mbulojnë çështje me interes publik, duke përfshirë kërcënimet ndaj institucioneve shtetërore dhe një rast të krimit të organizuar. Reporterët pa Kufij (RSF) u kërkon autoriteteve të shmangin masat joproporcionale dhe dënon faktin që gazetarët janë kërcënuar me burgim për shkeljen e këtyre ndalimeve.

Siguria e shtetit dhe konfidencialiteti i hetimeve gjyqësore janë arsye legjitime për kufizimin e lirisë së shtypit, por autoritetet duhet të marrin masa proporcionale për të mos frenuar në mënyrë arbitrare këtë të drejtë themelore. Asnjë gazetar nuk duhet të kërcënohet me dënime me burg nëse mbulon tema me interes publik si kërcënimet ndaj institucioneve shtetërore dhe krimi i organizuar në përputhje me etikën mediatike. Ne u bëjmë thirrje prokurorëve dhe gjykatave të Shqipërisë që të marrin parasysh të drejtën e informimit”, thuhet në njoftimin e RSF.

Prokuroria e Tiranës i tha RSF-së se ndalimi synon të mbrojë të dhënat personale, informacionin e klasifikuar të sigurisë shtetërore dhe konfidencialitetin e hetimeve gjyqësore dhe “nuk synon të pengojë veprimtarinë e medias”.

Megjithatë, zyra e prokurorit nuk tha se sa do të vazhdojë të jetë në fuqi ndalimi. Për më tepër, ndalimi nuk bën dallime mes dokumenteve të llojeve të ndryshme, ndërsa gazetarët që e shkelin do të jenë të ekspozuar ndaj ndjekjes penale.

Shqipëria renditet e 103-ta nga 180 vende në Indeksin Botëror të Lirisë së Shtypit të RSF-së 2022 , renditja më e ulët në Ballkanin Perëndimor.

 

Të fundit