Flash News

Aksioni i IKM-së në Theth, banorët dalin në protestë

U denoncua i zhdukur nga i ati, 23-vjeçari gjendet i pajetë pranë liqenit të Shkopetit

U mbyt duke shpëtuar dy turistë në Shkodër, vijojnë kërkimet për trupin e kapitenit të anijes turistike

Me simbolin e shqiponjës, Torino prezanton blerjen e mbrojtësit të Kombëtares shqiptare

Zhdukja e Eraldo Muçit, zbardhet dëshmia e nënës së tij: Djali im ishte shok me Sançon

E-TJERA

Propozimi i Ramës për kryetaren e SHISH, Lubonja: Lëvizje e rrezikshme, mund të keqpërdoret

Politiko 20 Mars 2023, 18:46

Propozimi i Ramës për kryetaren e SHISH, Lubonja: Lëvizje e

Analisti Fatos Lubonja ka folur rreth zhvillimeve në Shqipëri gjatë një komunikimi të drejtpërdrejtë në rubrikën “Opinion” në News24.

Ai foli në lidhje me propozimin e kryeministrit  për Vlora Hysenin për të qenë në krye të SHISH teksa tha se Rama ka një sjellje të ngjashme me diktatorin komunist Enver Hoxha.

“Lidhjet më të forta me Kosovën Rama i ka përmes liderëve të tjerë, jo Kurtit. Kam parë që është kontestuar figura e saj për emërimin në SHISH. Mua më tërheq vëmendjen se për çfarë qëllimi bëhen këto emërime, nëse shohim bashkëpunimet e Ramës vëmë re një sjellje që të kujton Enver Hoxhën që sa më shumë rrinte në pushtet largonte ata të vjetrit që e njohin dhe vendoste të rinj. Rama i ka eliminuar figurat që kanë qenë në PS para tij dhe ka vendosur figura të nënshtruara. Problemi psikologjik i diktatorëve në mendje është mos besimi ndaj njerëzve përreth dhe duan njerëz sa më të sigurtë afër”, është shprehur Lubonja.

Lubonja shtoi se kemi të bëjmë me një institucion që mund të keqpërdoret dhe prandaj është e rrezikshme, ndërsa tha gjithashtu se Rama merr shqiptarët e Kosovës pranë pasi ata nuk e njohin ashtu si ata që ka më pranë.

“Ky heq burra dhe vendos gra, kjo ka domethënie. Kur u bë ministër kulture zgjodhi 7 burra këshilltarë, mes tyre dhe unë dhe i thashë vendos ndonjë grua dhe më tha po ku ka gra këtu. Ky ishte Rama që mendonte si një shqiptar mesatar i kohës dhe mendonte se gratë nuk kishin gojë. Shqipëria nuk krahasohet me Italinë, e kemi pasur këtë problem. Nuk e di nëse ka një grua nga këto që ka vendosur Rama dhe që kanë folur kundër tij, edhe burrat janë nënshtruar por ka pasur disa që kanë folur. Kemi të bëjmë me një institucion që mund të keqpërdoret dhe prandaj është e rrezikshme. Me shqiptarët nuk ndihet aq mirë ky se dinë shqip, por merr kosovarë se janë më larg dhe nuk e njohin aq mirë sa ne.”, u shpreh ai.

Lubonja u ndal dhe te situata e bisedimeve Kosovë-Serbi, teksa deklaroi se të dyja palët kanë axhendat e tyre, por presidenti serb Vuçiç ka tri të tilla, pasi përpiqet që përveç axhendës nacionaliste dhe asaj evropiane, të luajë edhe atë të marrëdhënieve me vende si Rusia apo Kina.

Sipas tij marrëveshja është një “zbutje” për Serbinë, ndërsa tha se të dyja palët po luajnë me BE-në, ndërsa dhe ata vetë e përdorin për politikat e tyre kundër Rusisë, ka teatër nga të gjitha anët.

Të fundit