Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Protesta e opozitës, VOA: Duan largimin e Veliajt, ka nisur hetim pasuror edhe për familjen e tij

Politiko 5 Korrik 2024, 19:16

Protesta e opozitës, VOA: Duan largimin e Veliajt, ka nisur hetim pasuror

Në Tiranë, përkrahës të opozitës protestuan përsëri para bashkisë së kryeqytetit, duke kërkuar largimin nga detyra të kryebashkiakut Erjon Veliaj.

Ata dogjën disa goma automjetesh në hyrjen e bashkisë, duke bërë thirrje për hetime të thelluara mbi aktet korruptive në këtë institucion.

Këto protesta vazhdojnë prej më shumë se dy muajsh, kur Struktura e Prosaçme Kundër Korrupsionit dhe Krimit të Organizuar arrestoi nën dyshimet për afera korruptive disa drejtorë e ish drejtorë të bashkisë me kompaninë 5D.

Opozita beson se edhe kryebashkiaku Veliaj është i përfshirë në këto afera korruptive, dhe kërkon shkarkimin e tij nga detyra, si dhe hetime për lidhjet e tij me vartësit.

Zoti Veliaj i ka mohuar këto akuza të opozitës, dhe është distancuar nga vartësit, duke deklaruar se drejtuesi nuk mund të jetë në dijeni për çdo akt të punonjësve të tij.

Ai ka theksuar se nuk ka firmosur asnjë dokument, prej të cilit mund të jenë shpërdoruar fondet publike.

Krahas aferës së kompanisë 5D, SPAK-u po heton edhe për inceneratorin e Tiranës.

Po ashtu është bërë e ditur që hetime kanë nisur edhe për gjendjen pasurore të zotit Veliaj dhe familjarëve të tij të afërt. VOA

Të fundit