Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Protesta para parlamentit, qytetarët: Po na grabisin pronat, Balluku kriminele

Politiko 12 Shkurt 2026, 10:07

Protesta para parlamentit, qytetarët: Po na grabisin pronat, Balluku

Teksa Kuvendi pritet të nisë seanca plenare, jashtë godinës është zhvilluar një protestë qytetare nga banorë të Durrësit që preken nga projekti TID, si edhe nga banorë të Rrjollit të Velipojës. Ata janë mbledhur përpara Parlamentit për të kundërshtuar, sipas tyre, cenimin e të drejtave pronësore.

Protestuesit akuzojnë zëvendëskryeministren dhe ministren e Infrastrukturës dhe Energjisë, Belinda Balluku, si dhe kryeministrin Edi Rama, duke pretenduar se përmes vendimeve të marra po u grabiten pronat. Ata shprehen se vendimmarrjet në Kuvend po merren në dëm të qytetarëve.

Gjatë protestës, një prej banoreve u shpreh me tone të ashpra ndaj qeverisë dhe mazhorancës parlamentare, duke deklaruar se, sipas saj, po miratohen ligje dhe vendime që cenojnë pronën private.

“Me këtë që po bën ky hajduti, bashkë me Belinda Ballukun (kriminele) vetëm një gjë të dijë, do ti vijë dita të ikë i pari, i dyti dhe të ikë vetë bashkë me ata basdarda parlamentar socialistë  që rrinë atje dhe ngrenë kartonin me të padrejtë”, tha një banore.

Banorët e Durrësit theksojnë se nuk do të tërhiqen nga kërkesat e tyre, ndërsa kërkojnë transparencë dhe rishikim të projektit TID. Protestës i janë bashkuar edhe banorë nga Rrjolli i Velipojës, të cilët ngritën shqetësime të ngjashme për çështje pronësie.

Një tjetër qytetare, pjesëmarrëse në tubim, deklaroi se prej 35 vitesh përballet me padrejtësi lidhur me pronën e saj. Ajo akuzoi politikën për korrupsion dhe theksoi se, sipas saj, qytetarëve u është cenuar prona, por jo dinjiteti.

“Pjesëmarrësit këtu kanë të drejtën e tyre të kërkojnë pronën që është më e shtrenjtë. Askush nuk guxon të na përkulë kokën, të na vrasë apo nëpërkëmbë dinjitetin. Unë jam nga Tirana, dhe pronën na e vodhën. Këto janë të korruptuar deri në palcë. Kanë 35 vite që na vrasin e na grabisin. Ne nuk do dorëzohemi kurrë, kemi të drejtën tonë. Ky është parlamenti I krimit, I kanë mbushur xhepat duke vjedhur pronën shtetërore, pronën private, por ato nuk kanë guxuar të na vjedhin dinjitetin”, tha ajo.

Protestuesit paralajmëruan se do të vijojnë reagimet e tyre nëse, sipas tyre, nuk do të ketë reflektim nga institucionet.

 

  

Të fundit