Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Protestat në Sri Lanka, media amerikane ngre alarmin: Rrezikon edhe Shqipëria

Politiko 11 Korrik 2022, 22:10

Protestat në Sri Lanka, media amerikane ngre alarmin: Rrezikon edhe

Media e njohur amerikane ‘Forbes’ ka përshkruar gjendjen krijuar në Sri Lanka për shkak të protestave masive, ndërsa ka ngritur alarmin se edhe shtete të tjera, përfshirë edhe Shqipërinë rrezikojnë një situatë të ngjashme.

Artikulli i referohet si shkak i përshkallëzimit të protestave inflacionin e lartë dhe koston e papërballueshme të jetesës, ndërsa duke u ndalur në Shqipëri merr si shembull protestën e 7 korrikut nga opozita. 

“Sri Lanka nuk është i vetmi vend ku inflacioni i lartë ka rritur koston e jetesës dhe protestat po shpërthejnë me ritme të shpejta.

Në Sri Lanka, inflacioni arriti në 54.6% në qershor ndërsa banka qendrore rriti normat e interesit në 15.5%. Kjo do të thotë se punëtorët në Sri Lanka po humbasin kursimet, ndërkohë që borxhet janë rritur, duke ngarkuar buxhetet e familjeve. Qeveria ka dështuar të respektojë borxhin e jashtëm dhe FMN-ja ka kërkuar që ajo të rrisë taksat dhe të luftojë korrupsionin si kusht për marrjen e një kredie shpëtimi.

Ndërkohë, javën që kaloi mijëra shqiptarë marshuan në Tiranë, duke kërkuar që qeveria të jepte dorëheqjen për shkak të korrupsionit të dyshuar dhe rritjes masive të çmimeve të konsumit. Banka qendrore shqiptare njoftoi një rritje të normës së interesit me 1.25%, ndërsa inflacioni zyrtar i qershorit ishte 6.7%.

Ka demonstrata të tjera në Holandë, Belgjikë, Itali dhe Kinë që duket se përfshijnë njerëzit që nuk janë në gjendje të përballojnë me lehtësi buxhetet e familjeve, kostoja e tyre e jetesës kërcënohet nga politikat mjedisore, sociale dhe të qeverisjes (ESG).

Ndërsa SHBA mbetet e fortë dhe të dhënat e punësimit tregojnë një ekonomi të lulëzuar, inflacioni më i lartë mund të ushtrojë presion mbi buxhetet e familjeve dhe të çojë në protesta”, thuhet në artikull.

 

Të fundit