Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Protestat/ Policia e Shtetit thirrje qytetarëve: Nuk do tolerojmë asnjë grumbullim

Politiko 14 Dhjetor 2020, 12:34

Protestat/ Policia e Shtetit thirrje qytetarëve: Nuk do tolerojmë

Duke marrë shkas nga protestat e ditëve të fundit, Policia e Shtetit ka paralajmëruar të gjithë qytetarët se nk do të lejojë asnjë grumbullim që bie ndesh me masat shtrënguese të vendosura nga Komiteti i Ekspertëve.

Në njoftim shkruhet se Policia është e vetëdijshme për të drejtën e protestës dhe lirinë e tubimit, por ne lidhje me vrasjen e Klodian Rashës, drejtësia po e kryen detyrën e saj.

Ndër të tjera, Policia e Shtetit ka bërë apel për ndalimin e grumbullimeve me më shumë se 10 persona në vende të mbyllura apo të hapura, konferenca, tubime, mbledhje partiake, ceremoni festive etj.

NJOFTIM I POLICISË SË SHTETIT:
Në zbatim të Aktit Normativ, me qëllim respektimin e masave kundër COVID-it për shkak të gjendjen shqetësuese të shkaktuar nga pandemia, nga të gjithë shtetasit në të gjithë territorin e Republikës së Shqipërisë, për rritjen e sigurisë publike në tërësi nisur edhe nga protestat e fundit, kërkohet zbatimi i masave dhe i protokolleve të miratuara nga Komiteti i Ekspertëve dhe urdhrat e Ministrisë së Shëndetësisë dhe Mbrojtjes Sociale.

Policia e Shtetit është shumë e vetëdijshme për të drejtën e protestës dhe lirinë e pacenueshme të tubimit. Në kushtet e sensibilizimit të madh të shoqërisë pas tragjedisë së djalit njëzetepesë vjeçar që humbi fatalisht jetën, nga dora e një efektivi policie, Policia e Shtetit e ka pasur të pamundur ta anashkalojë ndjeshmërinë popullore për të mos lejuar asnjë tubim. Por tanimë kur drejtësia po kryen detyrën e saj ndaj autorit të vrasjes dhe kur protestat kanë degraduar në organizime që kanë për qëllim cenimin e rendit publik dhe pronës publike, Policia e Shtetit nuk do të tolerojë asnjë grumbullim që bie ndesh me kornizën aktuale të masave shtrënguese.

Bëjmë apel të mbahen parasysh nga të gjithë, kërkesat e akteve që i përcaktojnë masat shtrënguese për:
Ndalimin e grumbullimeve me më shumë se 10 persona në vende të mbyllura apo të hapura, konferenca, tubime, mbledhje partiake, ceremoni festive etj. Mbajtjen e detyruar të barrierave mbrojtëse (maska), në ambientet jashtë shtëpisë;§

Ruajtjen e distancimit fiz§ik gjatë veprimtarisë së përditshme;
Zbatimin e masave nga administrata publike dhe në automjetet e transportit publik;§
Ndalimin e muzikës pas orës 20:00;§
Ndalimin e aktivitetit të bareve, lokaleve, restoranteve e ‘fast food’ pas orës 22:00 deri në orën 06:00;§
Kufizimin e lëvizjes së popullatës nga ora 22:00 deri në orën 06:00;§
Zbatimin e protokolleve në institucionet arsimore, në të cilat vazhdon kryerja e mësimit;§
Marrjen e masave administrative dhe atyre penale në rast të shkeljeve dhe mos-zbatimit të masave të veçanta në periudhën e pandemisë së COVID-19.§
Në mënyrë që të mos kalojmë në një etapë tjetër të një mbylljeje përtej kufijve të deritanishëm, nga të gjitha institucionet që kanë detyrime, të vazhdohet me seriozitet maksimal zbatimi i Aktit Normativ për zbutjen e efekteve të pandemisë.