Flash News

Blinin vota për PSD, në pranga një person, shpallet në kërkim kryeplaku i fshatit në Kukës

Rezultati/ PS fiton për herë të parë në Paskuqan

Numërohen mbi 93% e kutive të votimit, si paraqitet rezultati i në QV? Vijon edhe numërimi për diasporën

Mbaron numërimi në qarkun e Kukësit, PD fiton 2 mandate

Egnatia shpallet kampione e Shqipërisë, i shuan ëndrrën 24-vjeçare Vllaznisë

E-TJERA

Protestë në Bërxullë, banorët bllokojnë rrugën: Shteti bën sehir, s’lejojmë asnjë fadromë

Politiko 19 Mars 2023, 11:59

Protestë në Bërxullë, banorët bllokojnë

Banorët e Bërxullës kanë dalë sërish në protestë ku prej muajsh kërkojnë drejtësi për projektin e rrugës Thumanë-Kashar, që parashikon shembjen e banesave të tyre.

Banorët kërkojnë prej muajsh shpronësimin e drejtë dhe marrjen e një kompensimi që përshtatet me vlerën e banesës.

Këtë herë banorët kanë bllokuar menjëherë rrugën çka ka sjellë edhe përplasje mes tyre dhe efektivëve të policisë. Këta të fundit kanë rrethuar banorët duke iu kërkuar të largohen, megjithëse kanë refuzuar.

Një nga banorët shprehet se deri më sot në çdo protestë që kanë zhvilluar po sillen me edukatë, ndërsa nga ana tjetër shteti qëndron në heshtje.

“Këtë projekt rruge nuk e ka as AZHK as ARRSH, ato i hedhin topin njëra-tjetrës. Ku duhet të shkoj unë të kërkoj, rruga është pa projekt. Aktualisht që flasim është muaji i 6-të i protestës. Nuk është caktuar asgjë. Ne po sillemi njerëzisht dhe me edukatë në protestën tonë, ndërsa shteti bën sehir. Pse u ndryshua VKM për portin e Durrësit, për banorët e Bërxullës nuk ndryshon?

Do ta bllokojmë gjithë aksin, le të kalojnë nga Vora njerëzit. Ku del ky çmim 4 euro për tokën, kontrata e fundit ka qenë 52 euro për metër, e thotë ligji, nuk kam pse t’i drejtohem gjyqit. Shteti ka gjithë mundësinë ta zgjidhë këtë dhe nuk lëviz. Është çmenduri, nuk mund ta lejojmë. Ne do e përshkallëzojmë protestën çdo ditë, jo një herë në javë”, deklaroi një prej banorëve.

“Nuk do lejojmë asnjë fadromë që të vijë në tokët tona. Shteti nuk do t’ia dojë për ne që kemi 6 muaj në rrugë. Kemi kaq kohë që nuk na zë gjumi natën. Na është sosur durimi, nuk vjen as ministria e Bujqësisë, as e Infrastrukturës, as Belinda nuk vjen të pyesë”, u shpreh një prej protestueseve.

Të fundit