Flash News

Sherr mes adoleshentëve në Maliq, plagoste me thikë 15-vjeçari

Presidenti i KE nga Tirana: Rendi botëror po minohet, siguria e Ukrainës është siguri e BE

U arrestua për masakrën e Dobraçit, GJKKO liron nga qelia Xhuljo Vuksanin

E rëndë te Liqeni i Thatë, vetëv*itet me armë zjarri në makinë 38-vjeçarja

Samiti i Komunitetit Politik Europian/ Akset rrugore që do të bllokohen sot në Tiranë dhe orari përkatës

E-TJERA

Protestuan për ruajtjen e qendrës historike nga zgjerimi i rrugës Librazhd-Prrenjas, procedon penalisht 10 persona

Politiko 22 Prill 2025, 16:15

Protestuan për ruajtjen e qendrës historike nga zgjerimi i rrugës

Banorët e fshatit Hotolisht dolën sërish në protestë për të kundërshtuar projektin e zgjerimit të rrugës kombëtare Librazhd–Prrenjas, pjesë e Korridorit VIII, i cili sipas tyre kërcënon të shkatërrojë shtëpitë, tokat dhe jetën e komunitetit.

Protesta u zhvillua përgjatë aksit rrugor pranë fshatit, ku për rreth 20 minuta u bllokua qarkullimi, si një shenjë simbolike për të tërhequr vëmendjen e autoriteteve ndaj shqetësimeve të tyre. Mesazhi ishte i qartë: banorët nuk janë kundër zhvillimit të infrastrukturës, por kërkojnë që projekti të mos cenojë zonat e banuara.

"Specialistët për Hetimin e Krimeve të Komisariatit të Policisë Librazhd referuan materialet në Prokurori ku nisi procedimi penal për shtetasit: -F. A., 58 vjeç, A. D., 47 vjeç F. Ç., 52 vjeç, K. A., 36 vjeç, S. H., 34 vjeç, E. A., 28 vjeç, F. H., 46 vjeç, M. Ç., 60 vjeç, M. Ç. 30 vjeç dhe A. A., 41 vjeç.

Kjo pasi ditën e djeshme, në aksin rrugor “Librazhd-Prrenjas”, kanë bllokuar për disa minuta lëvizjen e mjeteve në këtë aks, me pretendimin se rruga që po ndërtohet aty, kalon në fshatin Hotolisht dhe rrezikon banesat e banorëve të fshatit", njofton policia. 

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme. 

Dy muaj më parë, banorët iu dorëzuan institucioneve qendrore një peticion me 511 firma, por e vetmja përgjigje që kanë marrë është se “projekti është në rishqyrtim”. Ata theksojnë se nuk janë kundër ndërtimit të rrugës, por kërkojnë një zgjidhje që mos të shkatërrojë komunitetin.

Të fundit