PS i dha karton të kuq Srebrenicës/ Ballkani jehonë rezolutës: Kuvendi shqiptar hodhi poshtë gjenocidin

Maxhoranca rrëzoi dje e vetme rezolutën e propozuar nga PD e Berishës, për të dënuar gjenocidin e Srebrenicës. Me 51 vota kundër dhe 15 pro, Kuvendi vendosi të mos miratojë rezolutë.

Ish-kryeministri Sali Berisha dënoi aktin e soçialistëve duke thënë “Votuat sipas urdhrit të Aleksandër Vuçiç. Shqipëria nuk ka pasur kurrë më anti-shqiptar si Edi Rama. Votuat duke shkelmuar mbi jetët e 10 mijë shqiptarëve në Kosovë”.

Deputetët e maxhorancës u shfaqën në kamera të qeshura teksa i dhanë kartonin e kuq rezolutës për të dënuar gjenocidin e Srebrenicës ndaj shqiptarëve të Kosovës.

Jehona e rrëzimit të rezolutës mori vëmendjen e mediave të huaja të Ballkanit Perëndimor, në Serbi, Maqedoninë e Veriut, Bosnje-Hercegovinë e më gjerë.

Të parat që i dhanë zë rrëzimit të rezolutës, ishin mediat serbe, të cilat shfaqën haptazi ‘përgëzim’ për socialistët. “Tanjug” referuar zhvillimeve në Kuvend, citon në artikullin e saj deklaratën e ish-kryeministrit Sali Berisha për Ramën dhe presidentin serb Aleksandër Vuçiç.

Agjencia e lajmeve “N1” në Serbi, që shfaqet jo rrallë herë kritike ndaj Vuçiç, ka pasqyruar po ashtu deklaratat e ish-kryeministrit Berisha i cili dënoi ashpër rrëzimin e rezolutës nga Kuvendi.

 

“Anadolu Agency”, agjencia e lajmeve turke, në artikullin e saj citon se “Kuvendi hodhi poshtë një kërkesë të disa ligjvënësve të opozitës për të mbajtur një seancë për të diskutuar një rezolutë që njeh dhe dënon gjenocidin e Srebrenicës. Propozimi për futjen e një pike në rend të dites për miratimin e rezolutës, e dërguar nga një grup deputetësh të Partisë Demokratike, u rrëzua me votat e shumicës së deputetëve”, shkruan Anadolu.

Ndërsa VOA, në një artikull të gjatë e të shpjeguar, nënvizoi se “Prej shumë vitesh Shqipëria është ndër vendet e pakta që nuk ka miratuar një rezolutë për të dënuar genocidin serb në Srebrenicë.”

Reagime ka pasur edhe nga mediet boshnjake dhe maqedonase.

Pas jehonës që mori lajmi në thuajse të gjitha mediat ballkanike. kreu i grupit parlamentar të PS Taulant Balla në studion e “Opinion”, e justifikoi rrëzimin e rezolutës me argumentin se ajo ishte propozuar nga ish-kryeministri Berisha.