Flash News

Kërkimet për 29-vjeçarin në Klos, Kosova vjen në ndihmë me një kontingjent kërkim-shpëtimi

Kulla e heshtjes, ndërtimi 16-katësh që sfidon ligjin dhe komunitetin në zemër të Tiranës

Aksident në aksin Elbasan-Peqin, plagosen tre efektivë policie

Kamioni përplaset me ambulancën, policia: Infermieri dhe babai i pacientit mes të plagosurve

Përplaset kamioni dhe ambulanca në aksin Fier-Lushnjë, katër të plagosur

E-TJERA

PS i shpëtoi mandatin Xhaçkës, reagon delegacioni i BE: Nuk është hap në drejtimin e duhur

Politiko 13 Shtator 2024, 13:00

PS i shpëtoi mandatin Xhaçkës, reagon delegacioni i BE: Nuk

Delegacioni i BE ka reaguar pas vendimit për mandatin e Olta Xhaçkës.

Në një reagim për Euronews Albania, delegacioni i BE shprehet se vendimi i marrë dje nga Kuvendi nuk është “një hap në drejtimin e duhur”.

Delegacioni thekson se zbatimi i vendimeve të Gjykatës Kushtetuese nga Parlamenti është thelbësore për balancat institucionale në demokracinë e një vendi.

“Ne kemi shprehur shqetësimet tona edhe në raportin e fundit mbi Sundimin e Ligjit në Shqipëri, lidhur me faktin që disa vendime të Gjykatës Kushtetuese nuk janë zbatuar nga Parlamenti, përfshirë edhe në lidhje me këtë çështje, ku vendimi i Gjykatës Kushtetuese daton më shumë se një vit e gjysmë më parë (janar 2023).

Na inkurajoi fakti që Kryetarja e Parlamentit, gjatë hapjes së sesionit parlamentar javën e kaluar, theksoi si prioritet nevojën që Kuvendi të ndjekë vendimet e mbetura të Gjykatës Kushtetuese.

Ajo çka ndodhi dje nuk është një hap në drejtimin e duhur.

Zbatimi i vendimeve të Gjykatës Kushtetuese nga Parlamenti është një çështje thelbësore pasi lidhet me kontrollet dhe balancat institucionale në sistemin demokratik të vendit”, shprehet delegacioni.

Mazhoranca mbrojti me votë mandatin e Xhaçkës duke mos miratuar mocionin e 1/10 së deputetëve të Kuvendit të Shqipërisë për dërgimin në Kushtetuese të kërkesës për papajtueshmëri.

Të fundit