Flash News

Vrasja e Edmond Papës, Gjykata e Tiranës dënon me 55 vite burg autorin dhe bashkëpunëtorin

Sot seanca në Apelin e GJKKO, Veliaj kërkon lirimin nga burgu

Zbulohet skema mashtruese online, AKSK apel qytetarëve: Si duhet të mbroheni

Imami Ahmed Kalaja rrezikon deri në 3 vite burgim, akuzohet për pengim të drejtësisë

Lëndë piroteknike pranë Universitetit Politeknik, policia sekuestron materialet dhe nis hetimet

E-TJERA

Pse fëmijët shqiptarë po vuajnë sot më shumë nga stresi e ankthi

Politiko 24 Janar 2025, 18:36

Pse fëmijët shqiptarë po vuajnë sot më shumë nga

Ndryshimet në ritmin e jetesës kanë nxjerrë në pah probleme të shëndetit mendor, jo vetëm te të rinjtë, por edhe tek fëmijët më të vegjël.

Mungesa e komunikimit, veçanërisht me prindërit, është një ndër faktorët më të rëndësishëm që kontribuon në shtimin e ankthit, stresit dhe depresionit.

“Kam vënë re se dikur fëmijët nuk flisnin për stresin, ose nuk përdorej termi ‘stres’, siç themi sot ‘jam i stresuar’, ‘jam i nervozuar’, ‘kam ankth’, ‘nuk duro dot’… Sot, fëmijët përjetojnë më shumë stres, përballen me presion më të madh akademik dhe kanë më pak mundësi për të komunikuar me prindërit. Ky mungesë komunikimi i bën ata të ndjejnë stres. Nuk është vetëm shkolla që shkakton stres; fëmijët shpesh duan të shprehin emocionet e tyre, por nuk kanë mundësi ta bëjnë siç duhet,” thotë sociologia Marsida Simo.

Një studim i vitit 2024 nga psikologë dhe studiues të Bibliotekës Publike të Shkencave tregon se prindërit që krijojnë lidhje emocionale dhe luajnë me fëmijët e tyre, duke zhvilluar personalitete të përgjegjshme dhe të pjekura, kanë fëmijë me vetëvlerësim të lartë, gëzim të brendshëm dhe ndjeshmëri. Këta fëmijë janë më të qeshur dhe të lumtur.

“Prindërit përpiqen të bëjnë më të mirën, por ritmi i shpejtë i jetës shpesh i detyron ata të përqendrohen vetëm te nevojat materiale, duke lënë mënjanë aspektet emocionale. Është e domosdoshme të kuptojmë rëndësinë e inteligjencës emocionale, që fëmijët tanë të zhvillojnë aftësi sociale, empati dhe të dinë si të ndërveprojnë në shoqëri,” shton Simo.

Hulumtimet e ekspertëve të UNICEF-it tregojnë se deri në 20% e adoleshentëve në botë përjetojnë çrregullime mendore, dhe tre nga katër problemet e shëndetit mendor të të rriturve nisin në fëmijëri dhe adoleshencë./Euronews Albania

Të fundit