Flash News

PD-ASHM kryeson në Kukës pas numërimit të 71 kutive

BIRN: Krimi i organizuar “orientoi” votën në Durrës

Vijon numërimi në Tiranë, ja si ndahen votat dhe mandatet deri tani

Numërohen kutitë e para, PD-ASHM kryeson në Krujë

Foto/ Sherr në një qendër numërimi në Kukës, policia tenton të ndalojë të riu

E-TJERA

Pse Iran-SHBA konsiderohet dueli më ‘i zjarrtë’ i Katar 2022?

Politiko 29 Nëntor 2022, 12:56

Pse Iran-SHBA konsiderohet dueli më ‘i zjarrtë’ i Katar

Iran-SHBA është supersfida e mbrëmjes së sotme, nga 4 ndeshjet e radhës që do të luhen sot në Katar.

Sfida e cila starton në orën 20:00 përpos konkurrencës për të rrëmbyer pikët e kualifikimit, mbart edhe një histori të gjatë tensionesh jo vetëm në fushë, por edhe në marrëdhëniet diplomatike mes vendeve.

Dy vende, të cilat kanë pasur mospajtime me njëra-tjetrën që kur revolucioni i vitit 1979 e rrëzoi Shah Mohammad Reza Pahlavin pro-perëndimor nga pushteti.

Kjo ndeshje do të zhvillohet në një periudhë kur përpjekjet diplomatike për të ringjallur marrëveshjen bërthamore të Iranit, po lëkunden, perëndimi po vendos sanksione për mbështetjen ushtarake të Iranit për Rusinë në luftën në Ukrainë dhe pjesa më e madhe e botës po tronditet nga shtypja ndaj grave dhe vajzave protestuese nga regjimi i Teheranit.

Disa thonë se raporti dhe politika nuk duhet të përzihen, por është e vështirë të imagjinohet se si do të bëhej një gjë e tillë për këtë ndeshje. Edhe për këtë ndeshje ka precedentë: në Kupën e Botës të vitit 1998 u zhvillua përballja mes tyre që njihet si “nëna e të gjitha ndeshjeve”.

Atëherë, gjithçka ishte koordinuar me kujdes: lojtarët iranianë raportohet se ishin ndaluar nga vetë Ayatollahu të shkonin drejt amerikanëve për t’ua dhënë dorën, kështu që amerikanët ishin nisur drejt tyre përderisa iranianët u jepnin trëndafila të bardhë. Të 22 lojtarët pastaj kishte pozuar për një foto si zakonisht. Ndeshja kishte kaluar pa asnjë incident dhe Irani e kishte mbyllur me fitore me rezultat 2:1 – fitorja e parë në histori për Iranin në Kupën e Botës.

Një muaj më vonë, ata luajtën një ndeshje miqësore në SHBA, kur shumë thanë se futbollistët kishin arritur më shumë për 90 minuta sesa diplomatët për dekada të tëra.

Këtë herë, tensione do të ketë sërish, por fokusi do të jetë në përgjigjen e skuadrës së Iranit ndaj të gjitha trazirave. Disa, përfshirë aktivistë për të drejtat e njeriut, kanë bërë thirrje që Irani të përjashtohet nga turneu për shkak të ngjarjeve në Teheran dhe Federata e Futbollit e Ukrainës e ka bërë të njëjtën kërkesë shkaku i mbështetjes që Teherani zyrtar po i jep Kremlinit.