Flash News

Identifikohet autori i vrasjes në Ndroq, ngjarja dyshohet se ndodhi për pazare d*oge

Vrasje në Ndroq/ Identifikohet viktima, autori lëvizte me një "Benz" të zi

Të shtëna me armë zjarri në Ndroq, një i vrarë

Qëlloi me kallashnikov duke terrorizuar banorët, arrestohet 44-vjeçari në Selenicë

Zbulohet një bazë e prodhimit të vajit të kanabisit, arrestohet 35-vjeçari

E-TJERA

Punësoi familjarët, prokuroria çon në gjyq ish-Presidentin e Urdhrit të Stomatologut

Politiko 6 Nëntor 2024, 12:45

Punësoi familjarët, prokuroria çon në gjyq ish-Presidentin

Prokuroria ka dërguar në gjyq Nikoll Dedën, ish-presidentin e Urdhërit të Stomatologut. Ndaj Dedës është ngritur akuza e ‘Shpërdorimit të detyrës’, pasi punësoi familjarët e tij dhe abuzoi me fondet.

Njoftimi :

Përfundojnë hetimet, Prokuroria e Tiranës dërgon në gjyq ish Presidentin e Urdhrit të Stomatologut për ‘Shpërdorim detyre’

Prokuroria pranë Gjykatës së Shkallës së Parë të Juridiksionit të Përgjithshëm, Tiranë përfundoi hetimet dhe dërgon në gjyq shtetasin N.D. i akuzuar për krimin ‘Shpërdorim detyre’ parashikuar nga neni 248 i Kodit Penal.

Hetimet e zhvilluara në kuadër të procedimit penal nr.1630 të vitit 2024, provuan se shtetasi në fjalë në cilësinë e Presidenti të Urdhrit të Stomatologëve lejoi punësimin e njerëzve pa kriter familjarët e tij, me qëllim manipulimin e vendimmarrjeve të Këshillit Kombëtar nga viti 2016.

Nga hetimi, rezultoi se me veprimet/mosveprimet e tij shtetasi N.D. krijuan një ‘klimë posedimi privat’ duke përqendruar në duart e tij funksionet e këshillave rajonale, qoftë për sa i përket administrimit të buxhetit të urdhrit të stomatologut në nivel qarku, qoftë përsa i përket pajisjes me licencë të stomatologeve për ushtrim individual profesioni.

Në shkelje flagrante të vendimeve gjyqësore dhe parashikimeve ligjore, nëpërmjet strukturave të Urdhrit të Stomatologut, ai vijoi veprimtarinë edhe pse u pezullua nga detyra, duke marrë vendime të rëndësishme si blerjen e një godine në vlerë 700.000 euro me sipërfaqe 350m2 dhe marrjen e një kredie prej 250.000 euro me qëllim ‘blerje ambientesh’.

Me veprimet e tij shtetasi N.D. ka shkelur vetë qëllimin e ligjit nr.127/2014 i cili është të rregullojë marrëdhënien juridike dhe etiko-profesionale të stomatologëve, si dhe ka krijuar një klimë ‘posedimi privat’ duke përqendruar në duart e tij funksionet e këshillave rajonalë përsa i përket administrimit të buxhetit në nivel qarku apo të pajisjes me licencë të stomatologëve për ushtrim individual profesioni.

Pavarësisht se është marrë i pandehur dhe është aktualisht në proces gjyqësor i akuzuar për nenin 320 të Kodit Penal në një tjetër procedim, ka ndërmarrë veprime aktive në shpërdorim të detyrës për përqendrim të mëtejshëm të kompetencave në duart e tij duke shfrytëzuar strukturat e USSH-së.

Të fundit