Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Punonjësit e doganës greke në grevë, nesër Pika Kufitare e Kakavijës do të jetë e mbyllur

Politiko 23 Nëntor 2020, 13:40

Punonjësit e doganës greke në grevë, nesër Pika

Drejtoria Vendore e Kufirit dhe Migracionit Gjirokastër ka njoftuar për të gjithë qytetarët që duan të udhëtojnë drejt vendit fqinj, se ditën e nesërme dhe deri të mërkurën në mëngjes kufiri do të jetë i mbyllur.

Kjo, si pasojë e protestës që do të zhvillohet nga punonjësit e doganës greke.

Në njoftim shkruhet se bllokimi do të zgjasë nga ora lokale greke 07:00 deri në orën 07:00 të datës 25 nëntor.

Gjatë këtij harku do të lejohet kalimi vetëm i udhëtarëve këmbësorë, kamionave që transportojnë mallra në kushte frigoriferike dhe automjetet për raste emergjente shëndetësore apo raste vdekjesh.

Njoftimi i plotë:

Autoritetet e Policisë greke, në bazë të një njoftimi zyrtar që i kanë dërguar Policisë Kufitare Kakavije, sqarojnë se për shkak të grevës që do të zhvillohet nga punonjësit e doganës greke, do të ketë një ndërprerje të punës, duke filluar nga dita e nesërme, datë 24 nëntor, ora lokale greke 07:00 deri në orën 07:00 të datës 25 nëntor.

Sqarojmë se gjatë këtij harku kohor, si në hyrje dhe në dalje të doganës greke, nuk do të lejohet kalimi i automjeteve si motoçikleta, autovetura, furgonë që transportojnë qytetarë dhe kamionët që transportojnë mallra.

Përjashtim do të ketë vetëm për udhëtarët këmbësorë, kamionët që transportojnë mallra ushqimore që ruhen në kushte frigoriferike, kamionët që transportojnë kafshët e gjalla dhe automjetet për raste emergjente shëndetësore apo raste vdekjesh.

Policia Kufitare e Kakavije iu bën thirrje të gjithë qytetarëve që duan të udhëtojnë drejt Greqisë, që gjatë këtij harku kohor, të shmangin udhëtimin në drejtim të kësaj pike kalimi.

Duke ju falënderuar për bashkëpunimin.

Të fundit