Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Pushohet çështja/ Dvorani: Koha e gjyqeve popullore ka mbaruar. Këshilltari i Metës: Do ta ankimojmë vendimin

Politiko 23 Nëntor 2021, 11:01

Pushohet çështja/ Dvorani: Koha e gjyqeve popullore ka mbaruar.

Gjykata e Posaçme ka pranuar kërkesën e SPAK-ut dhe ka pushuar çështjen "Dvorani". Presidenti Ilir Meta kishte paditur për shkelje të Kushtetutës ish-kreun e Këshillit të Emërimeve në Drejtësi, Ardian Dvorani.

Ky i fundit tha pas përfundimit të seancës se koha e gjyqeve popullore ka përfunduar. Dvorani shtoi se nuk kia përplasje me asnjë institucion, duke theksuar se është e drejta e Metës dhe e çdo individi tjetër që të ketë mendimi e tij. Gjithashtu nënvizoi se vetëm institucionet mund të vendosin.

"Unë s’kam përplasje me asnjë institucion unë thjesht ushtroj detyrën jam gjyqtar dhe për dy gjyqtare është jashtë realitetit të mendojë që ka përplasje me institucionet. Kush mendon që ka përplasje i ka për vete unë zbatoj vetëm ligjin. Është e drejta e zotit Meta ashtu si cdo individi tjetër të ketë interpretimin e tij dhe gjykimin e tij mbi fakte e rrethana të caktuar s’jam askush ta gjykoj apo paragjykoj atë cfarë thotë ai apo kushdo, janë institucionet ato që gjykojnë e vendosin. Koha e gjyqeve popullore i përkasin një regjimi të kaluar, gjyqet s’bëhen nëpër media me gjithë respektin mediat informojnë por çështjet vendosen këtu”, tha Dvorani.

Ndërsa këshilltari ligjor i presidentit, Bledar Dërvishaj nuk ishte dakord me vendimin e GJKKO-së, duke bërë me dije se do ta ankimojnë vendimin sapo të zbardhet.

"Deri më tani presidenti ka respektuar vendimin e prokurorisë për sekretin hetimor dhe për pushimin e çështjes penale jemi njoftuar në fillim të nëntorit.

Kemi mosdakortësi për kthimin e disa akteve në Prokurori, pasi nuk ishin të gjitha në rregull. Gjykata na njoftoi se do të zbardhet vendimi i plotë i gjykatës brenda 15 ditëve. Patjetër që do ta ankimojmë vendimin", u shpreh ai.

Meta ka ngritur dy akuza ndaj Dvoranit, shpërdorim detyre dhe përvetësim i titullit. Ai pretendonte se Dvorani po përdorej për kapjen e Gjykatës Kushtetuese dhe e konsideronte atë si një "ushtar të verbër të partisë".

Kujtojmë se përplasja mes Ilir Metës dhe Ardian Dvoranit nisi për procesin e përzgjedhjes së anëtarëve të Gjykatës Kushtetuese, ku Presidenti e akuzoi kreun e KED se ka shkelur Kushtetutën, duke mos respektuar radhën e përzgjedhjes së emrave nga institucionet përkatëse, përkatësisht 3 nga Presidenca, 3 nga Kuvendi dhe 3 nga Gjykata e Lartë.