Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Qëlloi për vdekje me thikë bashkëshorten në Fier, e raportoi si vetëvrasje

Politiko 8 Shkurt 2022, 14:30

Qëlloi për vdekje me thikë bashkëshorten në Fier, e

Një 50-vjeçare u gjet mëngjesin e sotëm e pajetë në banesën e saj në Fier. Ngjarja u raportua fillimisht si vetëvrasje.

Ishte bashkëshorti i viktimës që deklaroi se e kishte gjetur Valdete Manaj, të vdekur me disa plagë thike në gjoks. Në vendin e ngjarjes mbërritën edhe forcat e policisë, të cilat u njoftuan nga kunati i viktimës.

Pak më vonë, bashkëshorti i viktimës ka pranuar para uniformave blu se e ka kryer ai krimin. “Po unë e vrava, e bëra për xhelozi”, mësohet të ketë thënë gjatë dëshmisë bashkëshorti i viktimës.

“Zbardhet dhe dokumentohet ngjarja e ndodhur mëngjesin e sotëm në lagjen "Sheq i Madh" Fier.

Pas një pune hetimore në bashkëpunim me Prokurorinë Fier, Policia arreston shtetasin P. M.,si autor i dyshuar i vrasjes së bashkëshortes së tij.

Pas njoftimit të marë në sallën operative se në lagjen "Sheq i Madh", Fier, në banesën e saj një shtetase është vetëvrarë, menjëherë është ngritur grupi hetimor dhe në bashkëpunim me Prokurorinë Fier kanë vijuar punën për zbardhjen e plotë të rrethanave të ngjarjes.

Nga provat e grumbulluara, deklarimet e marra, këqyrjes së trupit të viktimës nga eksperti mjeko-ligjor dhe veprimet e mëtejshme hetimore të kryera nga grupi hetimor në bashkëpunim me Prokurorisë Fier, rezulton se shtetasi P. M., bashkëshorti i viktimës, për motive të dobëta ka goditur me thikë shtetasen V. M., e cila për pasojë ka gjetur vdekjen.

Në bazë të hetimeve të thelluara, i vendosur përballë provave të adminstruara, shtetasi P. M., ka pranuar autorësinë dhe motivin e ngjarjes.

Në vijim të veprimeve, specialistët për Hetimin e Krimeve në Komisariatin e Policisë Fier arrestuan në flagrancë për veprën penale "Vrasja në rrethana të tjera cilësuese", shtetasin P. M., 56 vjeç.

U sekuestrua në cilësinë e provës materiale mjeti prerës(thikë), me të cilën dyshohet se autori ka kryer vrasjen.

Materialet do i kalojnë Prokurorisë pranë Gjykatës së Shkallës së Parë Fier, për veprime të mëtejshme procedurale”, njofton policia.

Të fundit