Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Qendra Shëndetësore në Durrës pa mjek familjeje prej muajsh, ndonëse fituesja është shpallur që në shtator

Politiko 17 Tetor 2025, 21:49

Qendra Shëndetësore në Durrës pa mjek familjeje prej muajsh,

Një qendër shëndetësore në zemër të Durrësit, pa mjek familjeje prej dy muajsh, ndërsa emërimi i ri ekziston në letra që nga shtatori.

Gëzim Kasi, një pensionist nga lagjja 12 në Durrës, ka denoncuar në emisionin investigativ Fiks Fare se Qendra Shëndetësore nr. 3 funksionon pa një mjek familjeje prej më shumë se dy muajsh. Ai rrëfen se kjo situatë ka gati një vit që përsëritet. Mjekët vijnë për pak muaj dhe largohen pa shpjegim, duke e lënë komunitetin në pasiguri dhe pa shërbim shëndetësor bazë.

“Kjo situatë na penalizon me radhët për vizita, me ilaçet që nuk i marrim dot në kohë. Pse nuk kemi edhe ne një mjek si të gjithë?”, – shprehet i shqetësuar pensionisti.


Fiks Fare kërkoi informacion pranë drejtores së QSH nr. 3, por ajo refuzoi të japë sqarime, duke thënë se “nuk është e autorizuar” dhe i referoi gazetarët tek Njësia Vendore e Kujdesit Shëndetësor (NVKSH) Durrës.

Përmes një kërkese zyrtare, NVKSH Durrës informoi se gjatë vitit 2025 kanë dhënë dorëheqjen tre mjekë familjeje, dhe janë emëruar tre të tjerë. Madje, sipas përgjigjes zyrtare të datës 26.09.2025, përmes platformës “Mjekë për Shqipërinë” është shpallur fituese mjekja Alesia Preni, e cila është emëruar në këtë qendër si mjeke familje definitive.

Por, pavarësisht këtij emërimi, qytetarët thonë se mjeku mungon dhe shërbimi nuk ofrohet.

Kur Fiks Fare u rikthye për verifikim pranë QSH nr. 3, drejtoresha nuk konfirmoi nëse mjekja ka nisur punën, duke përmendur “procedura emërimi”.

Në praktikë, pacientët vazhdojnë të sorollaten për të marrë ndihmën bazë mjekësore, ndërkohë që në letra mjekja e re ka filluar punë me kohë. TCH

 

Të fundit