Flash News

U denoncua i zhdukur nga i ati, 23-vjeçari gjendet i pajetë pranë liqenit të Shkopetit

U mbyt duke shpëtuar dy turistë në Shkodër, vijojnë kërkimet për trupin e kapitenit të anijes turistike

Me simbolin e shqiponjës, Torino prezanton blerjen e mbrojtësit të Kombëtares shqiptare

Zhdukja e Eraldo Muçit, zbardhet dëshmia e nënës së tij: Djali im ishte shok me Sançon

28 të arrestuar në Itali e Spanjë për trafik droge, mes tyre një shqiptar

E-TJERA

Qëndresa Qytetare në protestë: Të dorëhiqet rektori Artan Hoxha, është kapur me plagjaturë

Politiko 14 Qershor 2024, 18:31

Qëndresa Qytetare në protestë: Të dorëhiqet rektori

"Rektorit të Universitetit të Tiranës, Artan Hoxha duhet t’i ndalohet kandidimi për një mandat tjetër dhe duhet të dorëhiqet nga ky post pasi është kapur me plagjiaturë në punimet për doktoraturën e tij."  Është kjo kërkesa e protestës së Qëndresës Qytetare zhvilluar para Rektoratit të Universitetit të Tiranës. Ata kanë kërkuar që Ministria e Arsimit dhe Këshilli i Etikës që të ndërhyjnë. 

Lëvizja “Qëndresa Qytetare” ka zhvilluar një protestë para Rektoratit të Universitetit të Tiranës në lidhje me situatën në këtë universitet. Ata kanë kërkuar dorëheqjen e rektorit të Universitetit të Tiranës, Artan Hoxha pasi sipas tyre është kapur me plagjiaturë në punimet për doktoraturën e tij.

Sipas Qëndresës Qytetare është skandaloz, mosreagimi nga këshillit etikës së universitetit por dhe nga Ministria e Arsimit. Teksa pak ditë na ndajnë nga zgjedhjet në universitete, rektori Artan Hoxha kandidon sërish për një mandat tjetër, por sipas Qëndresës Qytetare atij duhet t’i ndalohet kandidimi.  

Pjesëmarrës në këtë protestë ishte dhe pedagogu i Universitetit Bujqësor të Kamzës, Lush Susaj i cili foli për zgjedhjet në universitete dhe mungesën e kandidaturave. Sipas tij është ushtruar presion shumë i madh ndaj pedagogëve për të ndaluar kandidimin. 

Sipas Qëndresës Qytetare janë disa kandidatura për dekanë në Universitetin e Tiranës të cilët janë kapur me plagjiaturë dhe duhet të ndërhyhet për të ndaluar kandidimin e tyre.

Të fundit