Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Qeveria 145 milionë USD borxh të ri tek BB për tenderët dhe sistemin informatik financiar

Politiko 3 Dhjetor 2024, 08:34

Qeveria 145 milionë USD borxh të ri tek BB për tenderët dhe

Qeveria ka kërkuar një financim shtesë prej 145 milionë dollarësh pranë Bankë Botërore si pjesë e një projekti që është në vijim emërtuar “Ofrimi i një shërbimi të qendërzuar dhe gjithëpërfshirës për përdoruesit”.

Një sërë dokumentesh të BB nënvizohet se data e pritshme e Bordit për këtë projekt është 18 shkurti i vitit të ardhshëm. Por çfarë synon të arrijë qeveria përmes kësaj shtese financimi të kërkuar pranë Bankës dhe që lidhet direkt me platformën E-Albania dhe Agjencinë Kombëtare të Shoqërisë së Informacionit.

Sipas shpjegimit në dokument thuhet se objektivat janë në mbështetje të aktiviteteve që janë identifikuar së bashku nga Banka dhe qeveria.

“Bazuar në identifikimin e zhvillimit të problemeve kyçe dhe “Teorinë e Ndryshimit” të Programit (bëhet fjalë për programin që BB ka me qeverinë shqiptare), Ekipi i detyrave i qeverisë shqiptare dhe Bankës Botërore kanë identifikuar një sërë komponentësh dhe aktivitetesh. Aktivitetet janë të strukturuara në të paktën katër fusha rezultatesh (RA):

RA1: Rritja e cilësisë së shërbimit elektronik dhe përvojës së përdoruesit, e cila synon të përmirësojë cilësinë dhe përdorshmërinë e shërbimeve prioritare;

RA2: Përmirësimi i aftësive dixhitale dhe përfshirja dixhitale, e cila synon të përmirësojë përvetësimin e aftësive numerike, shkrim-këndim dhe pjesën dixhitale për të siguruar që të gjithë qytetarët, veçanërisht ata më vulnerabël, të marrin asistencë në aksesin në shërbimet publike;

RA3: Forcimi i Mundësuesve që ofrojnë shërbimet prioritare, i cili përmirëson qeverisjen e të dhënave, ndërton llogaridhënie dhe mbështet krijimin e një platforme të prokurimit elektronik dhe përditësimi i kornizës rregullatore dhe procedurale të prokurimit publik dhe zgjerimi dhe përmirësimi i AFMIS në si në nivel qendror ashtu edhe në atë vendor.

RA4: Rritja e aksesit, cilësisë dhe efikasitetit të shërbimeve administrative lokale të përzgjedhura që mbështesin dixhitalizimin e shërbimeve” thuhet në dokumentin e argumentimit për shtesën e financimit.

I nijeti vlerëson se nënkomponenti i projektit të investimit ofron asistencën teknike të nevojshme për ngritjen e kapaciteteve dhe menaxhimin e ndryshimit dhe mbështetjen e komunikimit për arritjen e objektivave. Po kështu thuhet se mbështet funksionimin e një Njësie Koordinuese (NJK) e cila do të sigurojë mbledhjen e të dhënave të fokusuara në rezultate dhe përdorimin e tyre gjatë gjithë zbatimit.

“Programi është përafruar me tre prioritete të Strategjisë Kombëtare për Zhvillimi dhe Integrim (SKZHIE) (2022-2030): (i) forcimi i qeverisjes vendore për zhvillimin e ekonomisë së qëndrueshme (ii) barazia dhe drejtësia gjinore; dhe (iii) dixhitalizimi. Ai gjithashtu kontribuon objektivin e dekadës Dixhitale të BE-së në objektivin për dixhitalizimin e shërbimeve bashkiake. Së fundi, Programi do të mbështesë Strategjinë Ndërsektoriale të sapo miratuar për Strategjinë për Decentralizim dhe Qeverisje Lokale 2023-2030 dhe Ligjin e Prokurimit Publik” thuhet në dokument./ Monitor