Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Qeveria dhe SPAK përballen sot në Kushtetuese për çështjen Balluku

Politiko 22 Janar 2026, 08:06

Qeveria dhe SPAK përballen sot në Kushtetuese për

Gjykata Kushtetuese do të shqyrtojë sot përplasjen institucionale mes qeverisë dhe SPAK lidhur me pezullimin nga detyra të zv.kryeministres Belinda Balluku.

Seanca, e planifikuar të nisë në orën 10:00 dhe me relator gjyqtarin Sandër Beci, vjen pas ankimit të kryeministrit Edi Rama kundër vendimit të GJKKO-së.

Kryeministri kërkon shfuqizimin e vendimit të Gjykatës së Posaçme, e cila urdhëroi pezullimin e Ballukut nga funksioni, duke e cilësuar atë si tejkalim të kompetencave të pushtetit gjyqësor mbi atë ekzekutiv. Sipas Ramës, një vendim i tillë cenon ndarjen e pushteteve dhe bie ndesh me Kushtetutën, e cila i njeh Kryeministrit ekskluzivitetin për propozimin dhe përbërjen e qeverisë.

Në seancë janë thirrur si palë të interesuara jo vetëm përfaqësues të qeverisë, por edhe të SPAK-ut, GJKKO-së, Kuvendit dhe Presidencës, duke e kthyer këtë proces në një çështje me peshë të gjerë institucionale.

Aktualisht, Belinda Balluku është rikthyer në detyrë përkohësisht, pas një vendimi të mëparshëm të Kushtetueses, deri në dhënien e verdiktit përfundimtar mbi ankimin e Kryeministrit.

Të fundit