Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Qeveria merr borxh 49 mln dollarë për rrugën Qukës-Qafë Plloçë

Politiko 10 Gusht 2022, 17:07

Qeveria merr borxh 49 mln dollarë për rrugën Qukës-Qafë

Qeveria ka marrë një kredi shtesë me vlerë 49 milionë dollarë për përfundimin e projektit të ndërtimit të rrugës Qukës-Qafë Plloçë. Kredia është marrë përmes Fondit Saudit për Zhvillim dhe Këshillit të Ministrave të Republikës së Shqipërisë.

Gjatë nënshkrimit të marrëveshjes me drejtorin Ekzekutiv i Fondit Saudit të Zhvillimit Abdulrahman Al-Marshad, ministrja e Ekonomisë dhe Financave Delina Ibrahimaj deklaroi se marrëveshja është arritur me terma lehtësuese me një afat prej 25 vitesh.

“Marrëveshja shtesë synon plotësimin e financimit të nevojshëm për përfundimin me sukses të këtij projekti me rendësi të veçantë, duke garantuar kështu rrugën më të shkurtër të ndërlidhjes midis kryeqytetit dhe zonave të juglindjes deri në kufi me Greqinë. Projekti është në zbatim dhe financohet me një hua e cila është nënshkruar më parë, në vlerën 25 milionë dollarë, akorduar nga Fondi Saudit për Zhvillim, dhe një hua tjetër nga banka islamike.

Ky fond që do të akorodohet nëpërmjet marrëveshjes së huasë, bën të mundur plotësimin e financimit të munguar, e cila do të jetë vazhdimi i rrugës me një gjatësi prej 43 .4 kilometra, me dy korsi.

Në termat financiarë, kjo marrëveshje ka terma lehtësuese, të cilat janë të pazakonta në kohët e sotme, kur jemi në kulmin e një krize, ku normat e interest janë më të larta se gjithë vitet e fundit. Kjo marrëveshje do të ketë afat zgjatje 25 vjet, me norme interesi lehtësuese 2% dhe për 5 vitet e para nuk ka pagesë principali”, deklaroi ministrja e Financave Delina Ibrahimaj.

Fondi Saudit për zhvillim ka financuar edhe më parë në projekt me një vlerë prej 25 milionë dollarësh. Marrëveshja e nënshkruar synon të përfundojë pjesën e dytë të rrugës.

Rruga Qukës-Qafë Plloçë është një segment i rëndësishëm që bën të mundur shkurtimin e një distance të konsiderueshme të lidhjes së Juglindjes me kryeqytetin. Punimet të cilat janë nisur 13 vite më parë janë zvarritur vazhdimisht, duke sjellë probleme jo vetë për qarkullimin e mjeteve që shkojnë drejt Juglindjes, por edhe për banorët e fshatrave.

Të fundit