Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Qeveria planifikon të shesë apartamente të shoqëruara me pasaportë shqiptare

Politiko 13 Nëntor 2022, 11:07

Qeveria planifikon të shesë apartamente të shoqëruara me

Qeveria shqiptare ka në plan të ofrojë pasaporta shqiptare ose rezidencë për të gjithë ata që pranojnë blejnë një apartament në kompleksin e pallateve që planifikon të ndërtojë në Portin e Durrësit.

Sipas Report.al, lajmi është konfirmuar nga një kopje e projektmarrëveshjes mes qeverisë dhe kompanive private, e cila po i nënshtrohet një shqyrtimi në Parlament me procedurë të përshpejtuar. Miratimi i kërkesës për procedurë të përshpejtuar për projektligjin për Portin e Durrësit, u kundërshtua nga opozita dh u shoqërua me debate.

“Investitorët e huaj që blejnë drejtpërdrejt nga prona e Investitorit Strategjik në Projekt, do të kenë të drejtë të aplikojnë për shtetësi dhe/ose rezidencën e përhershme të Republikës së Shqipërisë,” shkruhet në nenin 10.11 të projektmarrëveshjes. Sipas saj, “kushtet dhe regjimin specifik që do të përcaktohet nga një vendim i Këshillit të Ministrave në bazë të kësaj Marrëveshjeje dhe të plotësimit të kritereve të kërkuara nga Legjislacioni i Zbatueshëm”, thuhet në projektmarrëveshjen e Portit të Durrësit.

Qeveria shqiptare ka propozuar më herët ligjin për Pasaportat e Arta, çka i jep mundësi të huajve të marrin nënshtetësinë shqiptare në këmbim të investimeve në Shqipëri.

Ky ligj u kundërshtua me forcë nga ndërkombëtarët për shkak se mund të ndikoj në procesin e integrimit të Shqipërisë në Bashkimin Evropian, si procedura të papajtueshme me legjislacionin e unionit.

Në raportin e fundit të progresit, Komisioni Evropian shkruhej: “Në lidhje me shtetësinë, Shqipëria duhet të vetëpërmbahet nga zhvillimi i një skeme shtetësie për investitorët (pasaporta të arta) për shkak se kjo skemë përbën rrezik në lidhje me sigurinë, pastrimin e parave, evazionin fiskal, financimin e terrorizmit, korrupsionin dhe inflitrimin nga krimi i organizuar.” Raporti vëren se një skemë e tillë “mund të jetë e papajtueshme me acquis të BE-së”. 

Të fundit