Flash News

Plagosja e djeshme në Durrës, 36-vjeçari ishte me dy të mitur në makinë kur u qëllua

AMP arreston në flagrancë dy punonjës policie dhe pezullon nga detyra një tjetër

Alarmi për bombë në një hotel në Tiranë, çfarë zbuloi policia

Video/ Alarmi për bombë në parkingun e një hoteli në Tiranë, reagon policia

Të shtëna me armë zjarri në Durrës, një i plagosur

E-TJERA

Qeveria “Rama 3”, Fuga: Shumica e ministrave s’kanë lidhje me fushën, PS dhe PD të bashkëpunojnë, po pa pazare

Politiko 3 Shtator 2021, 15:09

Qeveria “Rama 3”, Fuga: Shumica e ministrave s’kanë

Akademiku Artan Fuga ka komentuar qeverinë “Rama 3” duke theksuar se një pjesë e ministrave të qeverisë së re nuk kanë lidhje me fushën dhe dikasterin që drejtojnë.

Në një intervistë për News 24, Fuga tha se në kushtet kur një ministër drejton fushën që nuk i përket, nuk kemi të bëjmë me një demokraci të pjekur.

“Shumica e ministrave në formimin e tyre nuk kanë asnjë lidhje me fushën që drejtojnë, aq më shumë nuk kanë shprehur një koncept politik apo profesional. Kur shikoj që një ministre ka një formim krejt tjetër nga fusha që drejton, studiuesit thonë që ajo do të drejtohet nga ekspertët, burokratët. Kjo mua më jep ndjesinë që ne nuk kemi një drejtim politik siç është në demokracitë e pjekura, por do të kemi ministra të cilët do të na ofrojnë ato zgjidhje që burokratët do të japin”, tha Fuga.

Zgjedhja e Lindita Nikollës si kryetare e re e parlamentit, sipas Fugës mes gjithë socialistëve, është e duhura.

“Sa i përket zonjës Nikolla, nëse dikush do të më kishte pyetur se midis socialistëve cila apo cili do të ishte personi më adapt, patjetër që do të kisha vendosur dorën te ajo. Pse? Unë po them që zonja Nikolla është një njeri që në edukatën e saj ka pikërisht këtë gjë që hapet ndaj mendimit të kundërt. Krijon hapësirë për mendimin e kundërt. Është një grua që vjen nga një trevë ku feja katolike është një lloj kriteri për drejtuesit e shtetit, them që nuk është se për shkak të kësaj zonja Nikolla ka besim, por do e shoh me kohën”, është shprehur Fuga.

Në mesin e socialistëve që duket se nuk u shpërblyen për punën e bërë ndër vite, Fuga rendit si më “të goditurin” Taulant Ballën, të cilit jo vetëm iu hoq posti i Sekretarit të Përgjithshëm të PS, por Rama i morina duart edhe drejtimin e Qarkut të Elbasanit.

“Nëse ka një njeri që ka marrë një goditje nga kjo asamble dhe emërime ka qenë Taulant Balla. U largua nga posti, nga Elbasani dhe në një farë mënyre dhe në kryesi erdhi në mënyrë automatike meqenëse ishte kryetar qarku dhe tanimë është dërguar në një qark që nuk e njeh fare. Njeriu që ka pësuar goditje nga pikëpamja objektive është Balla, e më pas është zv. kryeministri zoti Braçe dhe së treti shikoj që në asamble dhe zoti Veliaj mbeti në Tiranë”, tha Fuga.

Nëse do të ketë ose një bashkëpunim mes opozitës dhe maxhorancës, Fuga thekson se palët mund të përfshihen në një bashkëpunimmes tyre, por pa pazare.

“Një qeveri e përbashkët mes PS dhe PD do të ishte fundi i çdo gjëje. Një shoqëri e vërtetë ka një mekanizëm qeverisëse, mekanizmi është që shumica qeveris, opozita bën opozitë. Thuhet për rastin gjerman, por Shqipëria s’është Gjermania sepse në Gjermani ka struktura të tejra që rregullojnë funksionimin e shtetit. Nëse është fjala për një bashkëpunim, ku të dyja palët mendojnë se është në të mirë të qytetarit, pse jo, të mos ketë bashkëpunim. Por jo pazare”, shtoi akademiku.

 

 

Të fundit