E-TJERA

Qeveria riaktivizon koncesionin e anuluar, i hapet rruga ndërtimit të aksit Thumanë-Kashar

Qeveria riaktivizon koncesionin e anuluar, i hapet rruga ndërtimit të

Këshilli i Ministrave ka miratuar sot projektvendimin që i hap rrugë koncesionit për projektimin, ndërtimin dhe investimin e aksit rrugor Thumanë-Kashar.

Kontrata koncesionare në fjalë u anulua në vitin 2019, ndërsa buxheti i projektuar për ndërtimin e aksit rrugor, u vendos në dispozicion të Paktit për Universitetin. Ministrja e Infrastrukturës dhe Energjetikës, Belinda Balluku, u shpreh se shteti nuk do të investojë mbi kontratë.

“Miratohet projektvendimi që i hap rrugë miratimit të kontratës së koncesionit për projektimin, ndërtimin, operimin, mirëmbajtjen dhe transferimin e aksit rrugor Thumanë-Kashar. Ka pasur debat publik për këtë çështje. Që në vitin 2019 në janar, kjo kontratë u anulua për shkak se ajo hapësirë fiskale u vendos në dispozicion të paktit të universitetit. I jemi kthyer kësaj kontrate edhe pas një vendimi gjyqësor, duke qenë se shkojmë në parametra të ri. Shteti nuk investon mbi këtë kontratë. Aksi do të investohet në parimin e koncesionit që do të investojë dhe operojë e transferojë pas 35 vitesh në pronësi të shtetit shqiptar. Procesi është bërë përmes një negocimi, dhe nuk duhet harruar se është ndër më të rëndësishmet të korridorit blu, dhe synojmë të hapim lotet brenda vitit 2022 që t’i kemi të përfunduar në 36 muajt e ardhshëm”, deklaroi Balluku.

Kontrata koncesionare u anulua një muaj pasi u përhap skandali për një kompani fantazmë që kishte fituar një lot në tenderin për ndërtimin e Unazës së Tiranës. Asokohe në skandal u përmend edhe emri i kompanisë ‘Gener 2’, e cila ishte fituese e kontratës koncesionare për aksin Thumanë-Kashar.

‘Gener 2’ paditi Ministrinë me argumentin se i kishte shkaktuar dëm kompanisë, dhe më pas fitoi procesin.

Të fundit