Flash News

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

Detaje nga vrasja e Renis Dobrës, autorët erdhën me 2 makina Range Rover nga Rrësheni

Gjykata e Lartë e la në burg, Meta i drejtohet 'Kushtetueses'

E-TJERA

Qeveria shkriu Akademinë e Studimeve Albanologjike, Njuma: Partia i mori të gjitha!

Politiko 27 Maj 2023, 11:12

Qeveria shkriu Akademinë e Studimeve Albanologjike, Njuma: Partia i mori

“Nuk ka vend demokratik në botë, që në 2023, institucionin më të rëndësishëm akademik ta drejtojë një ish ministër i diktaturës i 3 dekadave të shkuara si Skënder Gjinush”, kështu shprehet gazetarja Beti Njuma për VKM-në që pritet të vendos mbylljen e veprimtarisë së Akademisë së Studimeve Albanologjike.

Në një status në facebook, Njuma ju bën thirrje akademikëve shqiptar që të reagojnë dhe të mos lejojnë një “ Gjinush” të hedh në kosh titujt dhe gradat e tyre akademike.

Kujtojmë se Ministria e Arsimit dhe Sportit ka përgatitur vendimin për të mbyllur Akademinë e Studimeve Albanologjike duke i dhënë plotfuqi Akademisë së Shkencave që drejtohet nga Skënder Gjinushi. Kjo VKM  pritet të miratohet nga Këshilli i Ministrave.

Qeveria shkriu Akademinë e Studimeve Albanologjike, Njuma: Partia i mori

Reagimi i plotë:

I mori Partia të gjitha, edhe Akademinë e Shkencave!

Një VKM që do të miratohet nga Këshilli i Ministrave e që bie ndesh me ligjin për arsimin e lartë dhe ligjin për Akademinë e Shkencave vendos Mbylljen e veprimtarisë së Akademisë së Studimeve Albanologjike dhe transferimin e të gjitha të drejtave dhe detyrimeve të saj tek Akademia që drejton Skënder Gjinushi.

Nuk ka vend demokratik në botë, që në 2023, institucionin më të rëndësishëm akademik ta drejtojë një ish ministër i diktaturës i 3 dekadave të shkuara si Skënder Gjinushi që është marrë vetëm me politikë dhe pa asnjë produkt shkencor! E për më tepër, në prag të pensionit të kërkojë të marrë nën kontroll edhe të gjitha institucionet e tjera kërkimore shkencore siç është Akademia e Studimeve Albanologjike dhe institutet në varësi të saj. Çfarë është kjo OMGJ që nuk ngopet me poste dhe pushtet?

Si mund të heshtin profesorët e nderuar që kanë një jetë që kërrusen duke prodhuar studime e të mos protestojnë ndaj këtij pushtuesi partiako-shkencor? Si ka mundësi që dija e tyre, librat, titujt që kanë marrë t’i hedhë në kosh një njeri që ka vegjetuar në politikë vetëm falë makinacioneve?

Ku ju shkoi dinjiteti o profesorët e mi të dashur? Si ka mundësi që prej 4 vjetësh o akademikë të nderuar ju drejton individi më pa kontribute në akademizmin shqiptar dhe pas pak muajsh do shkoni me pahir ta votoni përsëri? Kaq pak rëndësi i jepni vetes?

Ktheni sytë nga vetja dhe do kuptoni se çdonjëri prej Jush vlen më shumë se një Gjinush!

Të fundit