“Qeveria 'vesh' bamirësinë me baltë”, gazetari: Jamarbër Malltezi ka ndihmuar dhe nënën e kenianes që u masakrua në Tiranë

Teksa qeveria duket se është e pashpresë për tu kapur me opozitën, nis dhe “kamuflon” veprat që kjo e fundit bën.

I tillë është dhe rasti, ku Prokuroria e Posaçme (SPAK) në dosjen hetimore "Partizani" ka referuar shifra të shumave monetare që Jamarbër dhe Argita Malltezi kanë derdhur për bamirësi për fëmijët me autizëm.

Këtë vepër, mazhoranca e ka cilësuar si krim.

Në lidhje më këta ka reaguar dhe gazetari Habjon Hasani i cili në një postim në Facebook i është rikthyer historisë së Joy, vajza keniane e cila u masakrua në vendin tonë.

Hasani shkruan se nëpërmjet platformes online GoFundMe, shumë njerëz kontribuan për të ndihmuar të ëmën e saj për të paguar spitalin dhe një ndër ata persona ka qenë dhe Malltezi, i cili kreu donacionin dhe kërkoi që mos të bëhej publik.

Gazetari shprehet se kjo tymnaje me donacionet është përbaltje e padrejtë dhe se nuk mund t’i akuzosh për donacionet e as për të mirat që kanë bërë.

POSTIMI I PLOTË

Diku te afro 2 vite me pare kam denoncuar rastin e nje vajze keniane, punonjese ne nje kazino ne Tirane, vajza quhej Joy.

Joy u masakrua, ndejti per disa kohe ne koma, u desh qe e ema t’i vinte prane nga Kenia, por me pas Joy humbi jeten.

Shume njerez kontribuan per te ndihmuar te emen e saj te perballonte shpenzimet e spitalit apo shpenzime te dergimit ne nje spital te specializuar jashte, nepermjet platformes online GoFundMe.

Ne nje nga keto dite me ka telefonuar Jamarber Malltezi, me ka thene se nuk deshironte ta bente publik donacionin (sepse te GoFundMe dalin emrat) sepse siç me tha ne telefon “as dora e majte s’duhet ta dije sadakane qe jep dora e djathte”.

E lidha Malltezin me te emen e Joyt dhe nje miken e saj dhe ai i hipi makines dhe shkoi personalisht te spitali ushtarak dhe kreu donacionin.

Po e tregoj te gjithe kete episod pasi me duket idiotesi stratosferike qe disa donacione qe Jamarber Malltezi ka bere per femijet autike jane konsideruar si manovra korruptive apo kamuflime per pastrim paraje.

Besoj nuk eshte nevoja te theksoj me fjale se sa i imunizuar jam une nga çdo varesi ndaj grupit te interesit te Berishajve, por kjo tymnaje me donacionet eshte perbaltje e padrejte.

Ata mund te kene 100 gjynahe, le t’ja gjejne ata Sherlock Holmsat e SPAK-ut, por nuk mund t’i akuzosh per donacionet e as per te mirat qe kane bere.

Eshte shume e turpshme kjo qe po ndodh.