Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Rama dekoron Rexhep Qosen, akademiku: Qeveritë duhet të takohen më shpesh, të njësohen idealet dhe qëllimet politike

Politiko 27 Shtator 2021, 14:40

Rama dekoron Rexhep Qosen, akademiku: Qeveritë duhet të takohen

Kryeministri Edi Rama dekoroi me titullin "Ylli i Medaljes për Mirënjohje Publike" akademikun Rexhep Qosen. Ceremonia u zhvillua në Prishtinë dhe ishte i pranishëm dhe kryeministri Albin Kurti.

Qosja shprehu mirënjohjen, ndërsa vlerësoi të dy kryeministrat. Akademiku tha për Kurtin se është intelektual krijues dhe se ka të dhëna sa një bibliotekë mbi historitë e Europës e SHBA-së.

Ai u shpreh se takimi i sotëm mes Ramës dhe Kurtit e gëzoi, ndërsa iu kërkoi që ta takohen më shpesh për një ideal të përbashkët dhe të njësojnë idealin dhe qëllimet politike.

“Edi Rama është njëri prej politikanëve më të suksesshëm të Shqipërisë në 30 viteve të fundit të ndërtimit të demokracisë në Shqipëri, i cili ka sjellë risi, fryte, zhvillime të reja në jetën politikane shqiptare. Edi Rama është edhe intelektual, intelektual krijues, piktor dhe shkrimtar. E ndjej veten të privilegjuar që ky nderim m’u bë sot këtu në Prishtinë dhe e ndjej veten mirë që ky nderim i veçantë u bë pas takimit të dy delegacioneve, shqiptar dhe të Kosovës.

Dua të them se si Rama dhe Kurti është politikan dhe intelektual krijues. Atë e shquan një cilësi e veçantë, duhet ta dëgjojmë kur paraqitet në televizione apo mbledhje të ndryshme. Duhet të dëgjojmë intervistat e tij për të parë e për t’u bindur që ai ka një kujtesë të jashtëzakonshme. Ka të dhëna sa një bibliotekë mbi historitë e Europës e SHBA-së.

Takimi i sotëm i dy delegacioneve mua më solli shumë gëzim dhe u solli gëzim të gjithë shqiptarëve. Ky ishte një takim shumë premtues, o sa bukur, sa bukur duket kjo pamje e politikanëve e ministrave të Shqipërisë. Duket bukur dhe premton shumë. Unë i lejoj vetes, mosha që jam, prej 85 vitesh, më jep të drejtë morale që t’i ftoj kryeministrin Rama dhe Kurtin të takohen si sot më shpesh, të takohen qeveritë e tyre, të mbajnë mbledhje qeveritë e tyre. Në ato takime, në ato mbledhjet e tyre që bëjnë, të njësojnë një ideal të përbashkët që na e ka lënë epoka më e madhe në historinë shqiptare, epoka e Rilindjes, që e kanë formuluar burrat më të mirë të historisë shqiptare, si të krijojmë Shqipërinë, si të krijojmë shqiptarin. Pra, të njësojnë idealin dhe qëllimet politike”, u shpreh akademiku Rexhep Qosja.

Të fundit