Flash News

E-TJERA

Rama e paditi për ‘shpifje’, Shehaj: Më dha mundësinë të faktoj me shkresa për ‘gojët e liga’

Rama e paditi për ‘shpifje’, Shehaj: Më dha

Kryeministri Edi Rama ka ngritur një padi për “shpifje” ndaj ish-drejtoreshës së Tatimeve Brisida Shehaj, pasi kjo e fundit publikoi një postim në të cilën atakonte Bordin e Transparencës së Karburanteve.

Në një lidhje për Syri Tv, Shehaj tha se nuk ka ende një njoftim nga ana e gjykatës dhe se lajmin e ka marrë vesh përmes lajmeve në media. Shehaj u shpreh se është e gatshme të provojë me fakte deklaratat e saj, duke pohuar se bordi në fjalë ka për anëtarë disa të paditur kohë më parë në Prokurori nga Tatimet.

"Bëhet fjalë për ngritjen e bordit të çmimeve, ku marrin pjesë po kompanitë e naftës. Kryeministri nuk mund të ulej me ata njerëz për të cilët ka dijeni që janë paditur në Prokurori nga administrata tatimor. Dua ta falenderoj për disa herë Edi Ramën që më dha mundësi njëherë e mirë për të gjithë gojët e liga se ç'kemi bërë në krye të detyrës, tani me shkresa zyrtare që do vijnë nga prokuroritë, do faktojnë ata sa kallëzime janë bërë për sektorin e naftës.

Në atë kohë u kallëzuan shumë nga këta të mëdhenjtë. Në atë kohë kishte dy padi penale për Rezart Taçin të cilat u mbyllën më pas nga gjykatat, kishte padi për të gjitha kompanitë, kishte padi edhe për pastrim parash. Paditë janë mbyllur se unë u largova në 2016 dhe di çfarë kam dërguar, se kompanitë vazhdojnë të operojnë.

Nuk kam asnjë nga akt nga gjykata. Kam marrë vesh që është bërë një padi në datën 30 mars. është hedhur shorti dhe është përcaktuar një zonjë gjyqtare, e mora vesh nga mediat. Jam kurioze të shoh se për çfarë paskam shpifur unë për Edi Ramën. Unë nuk flas kurrë për diçka që nuk mund ta kuptoj", tha Shehaj.

Të fundit