Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Rama fajtor ligjor për çështjen e naftëtarëve", Arben Malaj propozon 5 hapat për zgjidhjen e kërkesave të grevistëve

Politiko 23 Tetor 2020, 12:26
"Rama fajtor ligjor për çështjen e
Ish-ministri i Ekonomisë dhe Financave, Arben Malaj

Ish-ministri i Ekonomisë dhe Financave, Arben Malaj ka reaguar së fundmi për grevën e naftëtarëve, teksa ka akuzuar kryeministrin si përgjegjës ligjor për problemet e grevistëve të Ballshit.

Nëpërmjet një postimi në Facebook, Malaj shprehet se sipas tij, qeveria nuk ka zbatuar ligjin për pagimin e detyrimeve dhe radhën e pagesave për sigurimet shoqërore.

Më tej ai ka renditur 5 hapa si propozim për të zgjidhur problemet e naftëtarëve, si identifikimi i përgjegjësve ligjorë që nuk nxorën urdhrin e bllokimit, çdo nivel të pagesave nga thesari, kush ka përfituar pagesa jashtë radhës, rivendosje në radhë të pagesave dhe në fund, pagimin e pagave dhe sigurimeve për naftëtarët.

Reagimi i plotë:

5 hapa për zgjidhjen e kërkesave ligjore të naftëtarëve. Qeveria Rama është fajtore dhe përgjegjëse ligjore, sepse nuk ka zbatuar ligjin për pagimin e detyrimeve dhe radhën e pagesave per sigurimet shoqerore.

1.Identifikoni përgjegjësit ligjore qe nuk kane nxjerre urdhrin e bllokimit sapo ka filluar mos pagimi i pagave dhe sigurimeve shoqërore. Ata që nuk kanë nxjer urdhërin e bllokimit dhe aktivizimin menjeherë të përmbarimit nuk janë punonjës të thjeshtë, janë qeveritarë ne shërbim te oligarkëve dhe për arsye korruptive.

2.Identifikoni në çdo nivel të pagesave nga thesari kush ka shkelur radhën e pagesave duke lejuar oligarkët të punojnë duke mos paguar pagat dhe sigurimet shoqërore.

3.Identifikoni nga kontabiliteti i kompanisë kush ka përfituar pagesa jashtë radhës së pagesave ku pagimi i sigurimeve shoqërore është i pari. Verifikoni librat e arkës dhe të bankës të kompanisë, për të identifikuar pagesat në shkelje te radhës së pagesave.

4.Kerkoni rivendosje në radhë të pagesave jashtë radhës për tatimet, për doganat, për kompanitë private furnitore, për individët që kanë përfituar, duke arkëtuar shumat e nevojshme për pagimin e pagave dhe sigurimeve shoqërore.

5.Me këto anullime të pagesave jashtë rradhës për institucionet publike dhe kompanite private kryeni pagesat e pagave dhe sigurimeve shoqërore për naftëtarët.

Në këtë vjedhje të pagave dhe sigurimeve shoqërore ku ka risqe të mëdha për korrupsion dhe vjedhje nga pronarët jo sipërfaqësorë, vërteton qeveria Rama me veprim ose mos veprim të jetë fajtore ligjore.

Të fundit