Rama “harron” dy viktimat nga moti i keq:  Asnjë jetë e humbur, rrugët u zhbllokuan në kohë rekord  

Qeveria shqiptare është përballur me një lumë akuzash dhe kritikash për shkak të mënyrës se si u menaxhua situata e krijuar ditët e fundit nga moti i keq me stuhi bore ngrica në të gjithë vendin.

Për pasojë, shumë akse u bllokuan, ndërsa mijëra banorë mbetën pa energji e të izoluar nga reshjet e borës.

Kryeministri Edi Rama, nga Rinasi ku po priste dozat e tjera të vaksinave nga Pfizer, përfitoi duke u përgjigjur kritikëve për mungesë kripe dhe borëpastruesesh në terren.

Teksa theksonte se rrugët u zhbllokuan në kohë rekord, Rama shtoi edhe se nuk pati as jetë të humbura, por harroi rastin e gruas së infektuar me Covid-19, e cila humbi jetën pasi autoambulanca që po e transportonte drejt spitalit në Tiranë u aksidentua në Durrës, apo rastin e nënës së ish-deputetit të Partisë Demokratike Sali Shehu një ditë më parë, e cila ndërroi jetë në makinën e bllokuar nga bora.

“Mund të bllokohej rruga e kombit, të humbin jetë njerëzish, por kërkoni sa kanë humbur në vendet e BE. Fatmirësisht nuk ka ndodhur diçka e tillë, por rrugët u zhbllokuan në kohë rekord se u punua”, tha Rama ndër të tjera.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm