Flash News

4 të rinj humbin jetën në një aksident në Itali, mes tyre një 19-vjeçar shqiptar

Nesër nis faza e dytë e regjistrimit për klasat e para dhe të dhjeta, afati

Plagosja në Kuçovë, Bejo u qëllua nga fqinji pas një sherri, shpallet në kërkim autori

Posta e mëngjesit/ Me 2 rreshta: Çfarë pati rëndësi dje në Shqipëri

Të shtëna me armë zjarri në Kuçovë, 45-vjeçari gjendet i plagosur në rrugë

E-TJERA

Rama i akuzoi se politizuan ngjarjen e Himarës, ish-ministri nxjerr nenin: E ke shkelur me të dyja këmbët

Politiko 4 Gusht 2022, 21:25

Rama i akuzoi se politizuan ngjarjen e Himarës, ish-ministri nxjerr nenin:

Ish-ministri i Drejtësisë Ylli Manjani i është përgjigjur deklaratave të kryeministrit Edi Rama i cili akuzoi mediat dhe opozitën se tentuan të politizojnë ngjarjen në Himarë ku një 7-vjeçare humbi jetën tragjikisht nga goditja e një skafi.

Në Facebook, Manjani ka nxjerrë Nenin Nr. 43 për rregullimin e lundrimit detar për qëllime turistike. Sipas nenit, do të duhej që qeveria të nxirrte akte nënligjore brenda 6 muajve, gjë që siç duket nuk është zbatuar nga qeveria Rama.

“Ja ku e keni edhe nenin që ngarkon me përgjegjësi Edi ramën dhe ministrat e Tij të Turizmit dhe të Brendshëm.

Ligji me numër 43 i vitit 2020, ka rregulluar lundrimin detar për qëllime turistike.

Që ky ligj të zbatohet,duhej që Edi Rama dhe ministrat e Tij të bënin disa akte nënligjore, brenda 6 muajve i ka urdhëruar Parlamenti!!! Me këto akte sigurohet regjistrimi i mjeteve,pronësia e tyre,përdorimi, rregullat e përdorimit e çdo gjë që i bën ato të sigurta. Por hiç! As 6,as 12,as 24 e as hiç muaj. As Edi e as ministrat përgjegjës nuk e qethën fare. Ah po, kanë bërë vetëm një udhëzim për të dhënë lejet e drejtimit, po ato kryesoret hiç .

Po meqë janë "dashnorët" e përgjegjësisë individuale, ja ku e kanë ligjin e shkelur. Ja se si e kanë shpërdoruar detyrën duke krijuar pasojë të rëndë, humbjen e jetëve njerëzore!

Kujtoj se në paraburgim ka sot zyrtarë që s'i kanë bërë asgjë detyrës, por janë në burg. Ndërsa Edi &co tallen me detyrën sipas qejfit, duke marrë jetë njerëzish e s'u hyn gjëmb në këmbë!!!

Dakord, nuk do politikë, po ligj do?! Ja ku e ka! E ka shkelur me të gjitha këmbët.

Kjo papërgjegjshmëri i bën përdoruesit e mjeteve lundruese të sillen si të duan. Ndoshta rasti i policit kriminel,nuk do kishte kuptim as ligji, por së paku do dallohej edhe mëqartë përgjegjegjësia individuale e tij.

Sot këtë përgjegjësi e mban Edi Rama dhe të paktën 2 ministra përgjegjës. Jo për gjë po e kishin përgatitur më së miri këtë sezon...! E kanë qa”, shkruan Manjani.

Të fundit