Flash News

Gjermania zgjat qëndrimin e trupave të saj në Kosovë

Policia greke bastis qelitë e shqiptarëve në Koridhalos, zbulohet arsenal dhe drogë te “bosi i mafies së burgjeve”

Ndahet nga jeta parakohe sopranoja e njohur e TKOB

Pezullohet lundrimi nga moti i keq në Vlorë

Megaoperacioni/ Grupi me bazë në Durrës, zbardhen emrat e trafikantëve shqiptarë

E-TJERA

Rama i dha statusin investitor strategjik bashkëshortit të Xhaçkës, plazhi në Dhërmi u përfitua nga kunata e ministres

Politiko 9 Mars 2022, 12:09

Rama i dha statusin investitor strategjik bashkëshortit të

Këshilli i Ministrave miratoi më 2 mars vendimin për dhënien e një zone bregdetare në Dhërmi për Qeveria vendosi më 2 mars t’i japë statusin e investitorit strategjik për shfrytëzimin e një zone bregdetare në Dhërmi, një kompanie që rezultoi në pronës të bashkëshortit të ministres Olta Xhaçka, Artan Gaçi.

Kompania në fjalë ‘AGTÇ Hotel Management’ në pronësi të Tawni Lin Grzych-Sutton, një 31-vjeçare e lindur në Masaçusets të Shteteve të Bashkuara që rezulton të jetë kunata e ministres Xhaçka, e përfitoi të drejtën e investimit strategjik, nëpërmjet një marrëveshje me kompaninë  AG.TÇ Sh.p.k – në pronësi 100% të Artan Gaçit, ish-deputet socialist dhe njëkohësisht bashkëshort i ministres Xhaçka.

Një investigim i BIRN, konstatoi se lidhja familjare e investitorit me ministren Xhaçka, pra me pushtetin, ngre shqetësime për konflikte interesi.

Kompania e Gaçit mori statusin ‘investitor strategjik’ nga qeveria Rama, për ndërtimin e një hoteli me pesë yje dhe me kapacitet prej 106 suitash në Dhërmi, të quajtur “Dreamades Luxury Suites”.

Bashkëshorti i ministres Gaçi, tha për BIRN më 3 mars, se kishte gjetur një kompani amerikane për të administruar dhe menaxhuar investimin në projekt. por nga të dhënat që BIRN ka mbledhur rezulton se administrimi kufizohet sërish në rrethin familjar.

Kompania ‘AGTTC Hotel Management’ në pronësi të Sutton është regjistruar në QKB me 25 qershor 2021. Veprimet e regjistrimit janë bërë me prokurorë nga juristja Iris Erebara, e cila është gjithashtu juriste e kompanisë  ‘AG.TTC’ Sh.p.k në pronësi të Artan Gaçit.

Pas regjistrimit në QKB, dy kompanitë kanë nënshkruar një marrëveshje për operimin e strukturave turistike në projektin “Dreamades Luxury Suites”, ku përfshihet dhe operimi i stacioneve të plazhit përballë hotelit.

Pas marrëveshjes,  ‘AG.TTC’ Sh.p.k i ka kërkuar Komitetit të Investimeve Strategjike reflektimin e saj në vendimin e shpalljes së investimit strategjik.

Më 15 korrik 2021, Komiteti i Investimeve Strategjike i kryesuar nga kryeministri Edi Rama e miratoi kërkesën dhe i njohu kompanisë së sapokrijuar nga Sutton masën mbështetëse të lejimit të përdorimit të brigjeve të detit si dhe zonën përkatëse të plazhit përballë kompleksit për një afat 30-vjeçar.

Në dy vendimet e Komitetit të Investimeve Strategjike përcaktohen edhe lehtësi të tjera për dy kompanitë në pronësi të familjarëve të afërt të ministres Xhaçka, të tilla si asistencë dhe procedurë e përshpejtuar për çdo akt administrativ, funksionimin e shërbimeve mbështetëse të furnizimit me ujë, lidhjen në rrjetin elektrik, kanalizimet e ujërave dhe infrastrukturë rrugore për objektin.

Të fundit