Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Rama luajti bukur, opozita e përçarë”, ekspertët në ‘Politiko’ për presidentin e ri: Nuk fitoi Shqipëria, shteti në dorë të PS

Politiko 7 Qershor 2022, 21:19

“Rama luajti bukur, opozita e përçarë”,

Zgjedhja e presidentit të ri Bajram Begajt me votat e mazhorancës po diskutohet sonte në emisionin ‘Politiko’ në Top Neës.

Të ftuarit ish koordinatori i Bindjes Demokratike, Astrit Patozi, gazetarja Juli Xhokaxhi, deputeti Dashamir Shehi dhe ish kandidati për kryetar të PD, Fatbardh Kadilli kanë treguar si e pritën zgjedhjen e Begajt në si kryetarin e ri të shtetit, pas mbarimit të mandatit të Ilir Metës në 24 korrik.

Patozi: Nuk jam befasuar nga procesi dhe mënyrën si Rama e vërtit sagën e zgjedhjes së presidentit. Nuk jam profet që ta parashikoja Begajn, por Rama realizoi objektivat e tij, e për fat të keq pala tjetër doli si mos më keq prej këtij procesi. Opozita sërish e përçarë në më shumë se dy pjesë.

Rama i realizoi objektivat se u duk sikur mbajti fjalën se tha që në fillim se nuk do ishte presidenti politik, synimi ishte për atë vetë. Presidenti i zgjedhur nuk është profil politik por është më i rehatuar me një president me profil të ulët, në të kundërt mund ti shkaktonte andralla. Publikut ia shet sikur ka bërë sakrificë.

Juli Xhokaxhi: Duket se Rama zgjodhi një ushtarak para grave. Por luajti bukur por jo në mënyrë të papritur. E kuptuam se do kishte kartën e tij nën mëngë. Kemi gra me shumicë në qeveri dhe një grua nuk do bënte ndonjë diferencë të madhe.

Mund të ishte një grua që e meritonte. Rama shfrytëzoi situatën e opozitës, hodhi disa emra jo publikisht edhe pse ishte e qartë kur emrin e kishte të qartë.

Ishte përballë një opozitë që nuk dinte ku ishte, e ndarë në disa palë. në sytë e ndërkombëtarëve doli i nderuar. Opozita nuk diti të luante, e coi në situatë qesharake.

Dashamir Shehi: Opozita e kishte detyrimin që të dilte me një ose dy figura. Nuk kishte nevojë për marrëveshje se ta jep Kushtetuta. Por opozita gaboi.

Cdo herë që janë zgjedh presidentët më kanë përmendur edhe mua. Nuk u surprizuar, kisha një gjysmë informacioni se do ishte Begaj, i uroj punë të mbarë. Nuk u zgjedh hajdutçe, por sipas ligjit. Është i zgjedhur i shumicës, PS, por ka mundësinë që në 5 vitet e ardhshme ti tregojë që më kanë zgjedh këto por nuk jam i këtyre, por i gjithë politikës. Presidenti jeton në habitatin politik është apo jo politik. Zgjedhja nuk është për t’u vajtuar. Procesi u përdor për të fituar pikë dhe protagonizëm.

Bardh Kadilli: Shqipëria mori dëm nga ky proces. Kemi një sjellje të institucioneve të kontrolluara nga Rama, shteti u vu në shërbim brenda ditës, Begaj mund ta kishte dhënë dorëheqjen dy ditë para. Rama i ka me një fërshëllimë për interes të tij personal. Politika është një ‘one men shoë’, është Rama. Nuk fitoi Shqipëria se shteti është në dorë të Ramës, nuk jam i gëzua me emrin e Begajt se nuk e njoh, por nuk preferoj të kem president një njeri që nuk e kishte dëgjuar njeri të thojë një fjalë.

Nuk ekzistonte si emër, por mund të jetë i shkëlqyer, publiku duhej të dinte dicka dhe nuk ecet duke thënë ishalla është burrë i mirë. Begaj mund të jetë njeri i nderuar, procesi tregoi se Rama vuri këdo që deshi veëtë ndaj do ta përdorë për interesat e veta.