Flash News

“S’kam asnjë preferencë”, Rama flet nga Madridi për zgjedhjet në Kosovë, sulmon opozitën serbe

Qarkullonte me armë zjarri në automjet, pranga 37-vjeçarit në Tiranë, arrestohet edhe pasagjeri

Zbardhet plagosja e 29-vjeçarit në Korçë, u vetëdëmtua pas sherrit me vjehrrin dhe bashkëshorten

Protesta e opozitës, policia publikon planin e masave: Rrugët që do të bllokohen në Tiranë

Me temperatura të ulëta, si parashikohet moti në fundjavë

E-TJERA

Rama mohon të ketë shkelur Kodin Zgjedhor, por ç'thotë KQZ për premtimet për rritje page dhe pensionesh

Politiko 30 Mars 2023, 09:10

Rama mohon të ketë shkelur Kodin Zgjedhor, por

Kryeministri Edi Rama njoftoi një ditë më parë rritjen me 5 mijë lekë për pensionistët për muajin Prill. Vendimi u njoftua nga Rama pas përfundimit të mbledhjes së Këshillit të Ministrave dhe vjen vetëm një muaj para zgjedhjeve vendore të 14 majit.

Po ashtu, Rama premtoi edhe rritje page duke deklaruar se synimi i qeverisë është të arrijë kufirin e 900 eurove.

I pyetur nëse këto vendime përbëjnë shkelje të Kodit Zgjedhor, Rama e mohoi një gjë të tillë duke thënë se vendimet dhe zotime e tij nuk kanë asnjë lidhje me zgjedhjet vendore.

“Këto janë të gjitha çështje, dhe janë të gjitha zotime që janë marrë dhe nuk kanë asnjë lidhje me kodin zgjedhor dhe nuk kanë asnjë lidhje me zgjedhjet. Dhe mbi të gjitha për pensionistët që janë mbi të gjithë dhe për 1001 arsye kanë dhënë më shumë se të gjithë dhe në të gjithë këtë histori ndryshimi kanë marrë më pak për të gjithë”, tha Rama.

Kryeministri vendosi t’iu përgjigjet sërish akuzave për shkelje të Kodit Zgjedhor. Ashtu sikurse bën gjithmonë, Rama e bëri reagimin e tij në Tëitter. Kryeministri i cilësoi akuzat e hedhura “analfabetizëm” duke argumentuar se neni që ndalon rritjen e pagave, flet për periudhën para krijimit të qeverisë së re.

“Analfabetizmi politik është ku e ku më i keq se sa analfabetizmi real apo ai funksional! Neni që ndalon rritjen e pagave 4 muaj para zgjedhjeve lidhet me zgjedhjet politike, ku flitet për periudhën para krijimit të qeverisë së re”, ka shkruar Rama në Twitter.

Çfarë thotë Komisioni Qendror i Zgjedhjeve?

Kodi Zgjedhor parashikon se “Katër muaj para datës së zgjedhjeve deri në formimin e qeverisë së re pas zgjedhjeve ndalohet propozimi, miratimi ose nxjerrja e akteve ligjore ose nënligjore, të cilat parashikojnë dhënien e benefiteve për kategori të caktuara të popullsisë, të tilla si aktet që parashikojnë rritjen e pagave, pensioneve, mbështetjes ekonomike apo sociale, uljen ose heqjen e taksave, vendosjen e amnistive fiskale, privatizimin apo dhënien e pasurive a të shpërblimeve etj, përveçse kur nisma kushtëzohet nga gjendje të fatkeqësisë natyrore”.

Komisioneri Shtetëror Ilirjan Celibashi ka thënë në një intervistë për Panorama Tv, se nëse Rama vendos ta bëjë sot rritjen e pagave dhe pensioneve, do të ketë penalitete dhe sanksione.

Celibashi tha se KQZ është duke monitoruar sjelljen e institucioneve publike.

“E vërteta është se ajo dispozitë lidhet me zgjedhjet e përgjithshme për Kuvendin, por gjithsesi në frymën e saj Komisioni Qendror i Zgjedhjeve është duke e monitoruar sjelljen e institucioneve publike. Nëse e ka premtim elektoral, por nëse e vendos sot dhe i gjen paratë këtë nuk e bën dot. Nëse ai thotë sot, ka penalite dhe sanksione”, tha Celibashi.