Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Rama, një autokrat", Mediat gjermane: Sistemi i tij klientelist i mirëvajosur i siguron suksesin në zgjedhje

Politiko 13 Maj 2025, 13:33

"Rama, një autokrat", Mediat gjermane: Sistemi i tij klientelist

Pas zgjedhjeve në Shqipëri, media gjermanishtfolëse përmend gjasat që kryeministri Edi Rama të shkojë drejt një mandati të katërt.

Por reflektohet edhe mbi situatën aktuale në Shqipëri, ku theksohet, se megjithëse Edi Rama dhe Partia Socialiste shkojnë drejt fitores ata janë të kontestuar në politikën e brendshme.

Gazeta "Neue Zürcher Zeitung", nën titullin "Edi Rama do të jetë për herë të katërt kryetar qeverie i Shqipërisë- portret i një antikonformisti të përhershëm" nënvizon sot se nuk duhet të gënjehemi nga imazhi i Ramës si një i jashtëm në politikë.

“Bumi i ndërtimeve me kalimin e kohës ka dëmtuar edhe reputacionin e Ramës si reformator. Në zhvillimin urban përqendrohet ajo që nuk shkon edhe në pjesën tjetër të Shqipërisë: nepotizmi ndan lejet e ndërtimit për njerëz të afërt, dhe dhënia e kontratave varet nga lidhjet politike, fondet e zeza dhe marrëveshjet nën dorë.

Në qendër të kësaj rrjete ndodhen partitë qeverisëse dhe kompanitë e lidhura me to. Suksesi i përsëritur i socialistëve të Ramës i atribuohet në masë të madhe këtij sistemi klientelist.

Në vitin 2013, ai e mundi për herë të parë armikun e tij të përbetuar, Sali Berishën, dhe u bë kryeministër. Rama ka gjasa ta mbajë këtë post edhe për katër vite të tjera, duke qëndruar kështu gjashtëmbëdhjetë vjet në pushtet.

Ajo që nuk shkon në shtet u bë e dukshme në shkurt, kur Erion Veliaj, kryebashkiaku i kryeqytetit dhe mik i ngushtë i Ramës, u arrestua së bashku me gruan e tij nga Prokuroria e Posaçme kundër Korrupsionit. Ata akuzohen se kanë ndërtuar një sistem të sofistikuar vetëpasurimi në bashkëpunim me kompani ndërtimi dhe OJQ-të mike.

Rama shpërtheu në zemërim, thirri protesta dhe sulmoi gjyqtarët hetues. Me këtë, ai dëmtoi një reformë që vetë e kishte nisur në vitin 2017. Me synim anëtarësimin në BE, drejtësia e rrënuar e vendit duhej të bëhej e pavarur dhe e fuqishme. Që nga ajo kohë, më shumë se gjysma e gjyqtarëve janë zëvendësuar dhe janë krijuar institucione të reja për luftën kundër korrupsionit. Që ato funksionojnë, tregohet nga aktakuza dhe arrestimi i Veliajt.

Sistemi klientelist i mirëvajosur i Ramës është një shpjegim për suksesin zgjedhor të socialistëve”.

Në median gjermane, Rama portretizohet si vërtet proeuropian, artist jo konvencional që mirëpritet mjaft mirë në Bruksel, sepse politika është konform BE, por edhe mjaft i kontestuar. "Zgjedhje në Shqipëri: Sa autoritar është Edi Rama", pyet një nga radiot më të mëdha gjermane, "Dlf" në një kronikë të gjerë të fundjavës. "Edi Rama është në BE një mik i mirëpritur, dhe duket se nga ana ideologjike dhe gjeopolitike qëndron i palëkundur në anën e Europës. Por kritikët i tremben asaj se sukseset e Shqipërisë për temat si shteti ligjor dhe demokracia janë suksese vetëm në letër, dhe se vendi nuk është i gati për anëtarësim në BE. Kjo ka të bëjë edhe me Edi Ramën që tregon tipare autoritare"./syri.tv