"Jepni dorëheqjen si Zaev"/ Rama ironizon Tritan Shehun: 'Guri ata do të na rrahin'

Kryeministri Edi Rama i ëshë përgjigjur kërkesën për sqarime mbi nismën "Open Balkan" të deputetit demokrat Tritan Shehu, duke u ndalur te përfitimet që ai pretendon se ka ekonomia nga kjo nismë.

Sipas tij me nënshkrimin e marrëveshjeve që parashikon kjo nismë reduktohen kostot e bizneseve që eskportojnë në këto vende. Ai shtoi se pavarëisht nëse do apo jo opozita, Shqipëria do të vijojë të jetë pjesë e "Ballkanit të Hapur" ose "Open Balkan".

Kryeministri tha se kjo nismë do të rrisë të ardhura në prodhimin e përgjithshëm në vend. Rama u shprehse "Open Balkan" është i ndërtuar mbi katër liritë e BE, e lëvizjes së njerëzve, mallrave, kapitaleve dhe shërbimeve.

"Ne jetojmë në një hapësirë gjeografike që nuk e kemi zgjedhur dhe duhet të stimulojmë prodhimin e eksportet. Ndërkohë që këta stimuj kanë të bëjnë me një treg të fragmentarizuar që nuk e stimulojnë rritjen e prodhimit apo eksportit sic e stimulon hapësira e përbashkët.

Po ju jap një shembull meqë cituat ministrin e jashtëm të Malit të Zi, për të kaluar tranzit në Malin e Zi vetëm kostoja për kontrollin veterinar është 80 euro, plus 20 euro për agjencinë doganore. Pra 100 euro, këtu nuk flas për koston e pritjes.

Dua të shtoj se mekanizmi i Ballkanit të Hapur dhe ato marrëveshje që po bëjmë, disa prej të cilave do të firmosen pak javë para festave këtu në Tiranë do të bëjnë që të krijohen lehtësira për rreth 500 kompani shqiptare. Unë do t’ ju sugjeroja ti kontaktoni dhe ti pyesni këto komani.

Po ju them këtë që, sepse janë disa pyetje që lidhen me gjeopolitikën, jo Rusia, jo Kina jo dreqi jo shejtani. Se si mund të jetë një vizion rus apo kinez, vizioni i Procesit të Berlinit, unë këtë nuk e di. Unë di që Ballkani i Hapur është një njësi zbatimi i Procesit të Berlinit. Unë di që ne i kemi njoftuar të gjitha vendet”, tha Rama.

Shefi i qeverisë ironizoi demokratin, duke shkëputur një shprehje nga  filmat e regjimit komunist.

“Kjo është një garë si ato ndeshjet me top lecke si në ato filmat në kohën e realizimit socialist. Të kujtohet zoti Shehu ai filmi kur ai i thoshte 'Guri ata do të na rrahin'”, tha Rama.

Tritan Shehu replikoi dhe i kërkoi Ramës të jepte dorëheqjen, duke marrë si shembull Zoran Zevin. Ai theksoi se kryeministri ka dështuar me "Open Balkan" dhe se është kthyer në zëdhënës të presidentit serb Aleksandër Vuçiçit.

"Unë do të kërkoja dorëheqjen tuaj. Ju kërkoj të bëni atë që bëri Zaevi, është dinjitoze. Në shoqërinë demokratike kjo është domosdoshme. Vuçiç është zëdhënës i zotërisë së tij. Mos u bëni zëdhënës i zëdhënësit. Shqipëria ka vetëm një atë ardhme, atë evropianë, të cilën ju në këtë mënyrë e vini në rrezik", u shpreh deputeti.

Shehu shtoi se "Open Balkan" bie ndesh me interesat e Shqipërisë dhe Kosovës. Ai i tha Ramës së është përfshirë në një projekt të rrezikshëm, duke shprehur bindjen se "Open Balkan" do të dështojë.

"Kemi të bëjmë me mbivendosje të dy projekteve, të Serbisë së Madhe dhe Jugosllavisë së re dhe ju si kryeministër u bëtë mbështetës i saj, duke mënjanuar interesat e Kosovës. Sot lexohet qartë tek ajo që po ndodh në Bosnje, apo në Malin e Zi apo në çështjen e kufirit mes Kosovës dhe Serbisë.

Nisma është e panevojshme dhe shkakton dëme të mëdha. Kjo nismë do të dështojë, ashtu dhe siç është parë. Kjo bie ndesh me interesat tona, Kosovën si dhe me interesat drejt integrimit në BE", tha Shehu.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm