Flash News

Video/ Kodrat e Dukatit përfshihen nga flakët, zjarri përhapet me shpejtësi mbi fshat

Tragjedi në Teksas: 59 të vdekur dhe 27 vajza ende të zhdukura pas përmbytjeve shkatërruese

VIDEO/ Zbardhet përleshja mes bandave në Greqi, 12 të arrestuar, mes tyre edhe shqiptarë

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

E-TJERA

“Rama shfaqi interes”, Italia i rikthehet ujësjellësit 1 miliardë dollarë nga Gjirokastra në Puglia

Politiko 24 Janar 2023, 14:36

“Rama shfaqi interes”, Italia i rikthehet ujësjellësit 1

Mediat italiane kanë rikthyer në vëmendje ndërtimin e një ujësjellësi me tubacione nënujore po planifikohet të ndërtohet në Detin Adriatik për të dërguar ujë nga Shqipëria drejt Italisë, pasi kjo e fundit gjendet përballë një krize.

‘Corriere del Mezziogiorno’ shkruan se shoqëria aksionare që administron shërbimin e integruar të ujit, Acquedotto Pugliese, është në kërkim të këtij “rrjeti shpëtimi” mes Puglias dhe Shqipërisë.

Prej vitit 2015, guvernatori i Rajonit të Puglias Michele Emiliano ka nisur diskutimet me Edi Rama, për perspektivat e bashkëpunimit në frontin e ujit. Deri në letrën, e datës shtator 2022, për të eksploruar mundësinë e përshpejtimit të ndërtimit të një ujësjellësi midis brigjeve të Adriatikut.

Emiliano sqaron se Puglia është gati të përpunojë një studim fizibiliteti, teksa ka theksuar se Rama ka shfaqur interes për projektin në fjalë.

“Shumë herë tema e infrastrukturës ujore Pulia-Shqipëri ka qenë në qendër të diskutimeve me Ramën. Kryeministri ka shfaqur interes për kryerjen e punës. Do të ishte ëndrra e jetës sime edhe sepse lëviz përgjatë vijës së ujit që është burimi i jetës dhe i marrëdhënieve të mira mes territoreve tona. Së fundi, nga ana e kostos ka teknika të reja, siç janë ujësjellësit detarë të pezulluar. Një metodë që ka avantazhin se është më pak e kushtueshme dhe e lehtë për t'u mirëmbajtur. Ne besojmë në të”, ka thënë Emiliano.

Lëvizjet për përshpejtimin e studimeve kanë të bëjnë edhe me palën shqiptare, ku po verifikohet zgjidhja për rritjen e investimit. Jo vetëm për aspektin teknik, por edhe mbi të gjitha për atë ekonomik.

“Në Shqipëri ka shumë interes për këtë ndërhyrje infrastrukturore dhe dosja është në tryezën e kryeministrit Edi Rama. Objektivi është të përcaktohen konturet e fizibilitetit të investimit. Pulia, natyrisht, do të bëjë gjithçka për të arritur qëllimin. Do të ishte një mbështetje e vlefshme për bizneset dhe qytetarët”, citon artikulli.

Bëhet fjalë për një projekt që ka për bazë një infrastrukturë me më shumë se 2 mijë kilometra rrjet uji. Tubacioni nënujore planifikohet të sjellë ujë nga Gjirokastra drejt Puglias.

Për të ndërtuar infrastrukturën do të duheshin 4 vjet punë dhe një miliard burime uji. Tubacioni nënujor do të jetë 85 kilometra i gjatë. Qëllimi është të transportohen 150 milionë metra kub ujë në vit në Pulia me një tubacion nënujor që do të arrinte 850 metra nën nivelin e detit në pikat më të thella.