Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

`Rama-Veliaj reagime arrogance´, Bushati: Drejtësia nën urdhrat e politikës

Politiko 10 Prill 2024, 21:57

`Rama-Veliaj reagime arrogance´, Bushati: Drejtësia nën urdhrat

Analisti Andi Bushati, zërat për përçarje në radhët e Partisë së Lirisë nuk i sheh me vlerë, duke thënë se tashmë është një parti e vogël me vetëm 3 deputetë.

Në MCN TV, ai deklaroi se është njëlloj si të flitet për përçarjen e Partisë Republikane të Fatmir Mediut, duke i cilësuar çështje të brendshme të partisë që pak jehonë ka në publik.

“Nëse Ilir Meta ka vënë bast se do e bëjë partinë më të fortë, do e ketë të vështirë pasi LSI ka pasur 20 deputetë. Nuk besoj se ka kuptim se që kur është krijuar kjo parti, është partia personale e Ilir Metës dhe Monika Kryemadhit.” – tha Bushati.

Sa i takon votimit të nesërm në parlament të ngritjes së një komisioni të Posaçëm për Dezinformimin, Bushati shprehet se i duket më shumë një zhurmë propagandistike, e ekzagjeruar

“Është idiotësi tu thuash shqiptarëve sot se vendi ynë, aleat i NATO-s, rrezikohet nga dezinformacioni. Shpesh e kemi bërë si legjendë atë që qeveria thotë Basha është i rusëve, PD financohet nga rusët, pastaj kthehet PD i thotë Ramës shok i Vuçiç, i hap rrugë investimeve ruse në Shqipëri. Sot ka mungesë informacioni për pikëpamjet e Rusisë mbi botën, mbi luftën në Ukrainë. Ne jemi më katolikë se Papa, sa Rusisë i kemi vënë zhurmuesin dhe nga kjo të bëjmë estradë me veten tonë jemi të rrezikuar nga financimet ruse në politikë dhe media, është një budallallëk, Shqipëria rrezikohet nga servilizmi amerikan, jo nga depërtimi i ideve të Kremlinit.

Në dijeninë time nuk kam parë njeri me çanta të çojë në ndonjë media ndonjë lajm a televizion me kokore ruse. A kemi parë njeri të flasë në Shqipëri pro Rusisë, në konfliktin me Ukrainën? A kemi parë ndonjë zë në Shqipëri, që nuk do ishte mëkat dhe po të ishte të thoshte ne do dalim nga NATO. Defekti ynë është servilizmi qesharak ndaj Amerikës dhe jo depërtimi i ndonjë ideje ruse. Shpresoj që kjo mos të jetë ndonjë manovër për të shfrytëzuar rrezikun e armikut rus për të ushtruar presion mbi media. Që të ketë rrezik real rus në Shqipëri më duket qesharake.” tha Bushat

Duke folur për rrjedhjen e të dhënave të sistemit TIMS, ku u arrestua drejtori i IT në Policinë e Shtetit, mirëpo askush nuk mban përgjegjësi politike për këtë çështje, Bushati ironizoi duke thënë se përgjegjësinë politike njerëzit e kanë mbajtur, pasi Edi Rama ka thënë se është një çështje e vogël.

“Është çështje teknike, nga që nuk e njoh çështjen në themel rezervohem të bëj konkluzione. Në deklaratat politike ka një përsëritje të atij refreni që qeveria dhe kryeministri kanë bërë për të mbrojtur çdokënd në këtë vend. Çështja ka mbi 8 muaj që ka shpërthyer dhe dëshmitari kryesor vetëm tani arrestohet nga policia.” – tha analisti.

Sa i takon skandalit me Bashkinë e Tiranës dhe drejtorët e arrestuar dhe reagimin e kryeministrit Edi Rama se Veliaj vijon të ketë mbrojtjen politike të tij, Bushati shtoi se është nga ata që mendon se drejtësia është kapur

“Drejtësia nuk është e kapur me parcela. Unë besoj dhe mbroj tezën se këtu drejtësia është vënë nën urdhrat e politikës dhe nuk ka kuptim të diskutojmë a po i bën Rama drejtësisë presion, a po i bën Veliaj drejtësisë presion. Reagimi i fundit ishte një arrogancë për të thënë që po ju them një gënjeshtër për të larë gojën. Ne vetë vjedhim, vetë shpëlahemi dhe vetë kontrollojmë drejtësinë. Partia Demokratike po harxhon shumë energji te rruga e Salës. Unë mendoj se opozitarizmit i shërbehet më mirë duke protestuar para bashkisë se sa te rruga e shpresës.” tha Bushati.