Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Raporti i Antidrogës Italiane: Mafia shqiptare lojtare e besueshme, e aftë të ngjitet në nivelet e larta të krimit

Politiko 23 Qershor 2022, 19:31

Raporti i Antidrogës Italiane: Mafia shqiptare lojtare e besueshme, e

Është prezantuar sot në Romë raporti vjetor i Antidrogës Italiane për vitin 2021. Raporti në fjalë i referohet edhe grupeve kriminale shqiptare të cilat ushtrojnë aktivitet në Itali.

Sipas raportit, grupet kriminale shqiptare janë ndër më komplekset të afta për t’u pozicionuar në nivele të larta të krimit dhe të shtrira gjërësisht në Itali. Kryeson trafiku i kokainës dhe heroinës, nërsa është vënë re reduktimi i ngarkesave me marijuana dhe hashashi të cilat vinin nga Shqipëria.

Drejtuesit më të lartë të Antidrogës Italiane dhe atyre në Kolumbi kanë dhënë disa deklarata për RTV Ora ku i janë referuar mafias shqiptare në Itali, vendet e tjera të Evropës, Amerikën Latine kryesisht në Kolumbi dhe Ekuador.

Mafia shqiptare konsiderohet si një lojtare e fortë në botën e trafikut të drogës, ndërsa po ashtu njihet edhe si ndërmjetëse e besueshme e mafias kalabreze, kampanjeze dhe siçiliane. Sipas raportit, emigrimi masiv i shqiptarëve ka bërë që të mirëstrukturohen grupet kriminale dhe të lidhen me ato vendase duke forcuar rolin jo vetëm në territorin Italian.

"Prej disa vitesh të dhënat për sekuestrimet e marijuanës përmes rrugës detare nga Shqipëria drejt Italisë janë reduktuar. Edhe në raportin e vitit 2021 konfirmohet kjo tendencë që mendohet se është si konseguencë e operacioneve të bashkëpunimit me Guardia di Finanza italiane për të identifikuar e sinjalizuar plantacionet e mbjellura me kanabis në territorin shqiptar dhe në zonat më të vështira e të fshehura.Gjatë vitit 2021 nga operacionet e fluturimeve të Guardia di Finanzës Italiane janë identifikuar 98 mijë bimë kanabis të mbjella në Shqipëri. Një e dhënë në rritje, e 30 mijë rrënjë më shumë, në krahasim me vitin 2020 ku këto operacione kanë identifikuar treth 60 mijë bimë kanabis të mbjella në plantacionet e marijuanës në Shqipëri e një e dhënë në rritje në krahasim me një vit më parë. Gjatë viteve të fundit shqiptarët kanë një prani në rritje në vendet e prodhimit të kokainës në Amerikës Latine, me aftësinë kriminale si në fazën e ndërmjetësimit dhe në atë financiare e trafikimit të saj drejt Europës", ka thënë Drejtori i Përgjithshëm i Drejtorisë Qëndrore të Antidrogës Italiane, Gjeneral Antonino Maggiore.

Ndërsa koordinatori i Antidrogës italiane, kolonel Sergio De Sanno tha: "Mafia shqiptare në Kolumbi është gjithmonë e më në zhvillim. Prej vitesh të dhënat e hetimeve tona të kryera dëshmojnë praninë e kësaj mafie në këtë shtet e siç thashë e zhvilluar shumë, dhe me aftësinë për të investuar në të gjithë zinxhirin e këtij trafiku që nga furnizimi pranë vendeve të prodhimit e deri tek shitja e saj. Prania e kësaj mafie dokumentohet dhe në vendet pranë Kolumbisë si Ekuadori që konsiderohet hub i magazinimit të kokainës që trafikohet më pas në Amerikë e Europë. Të dhënat tona vërtetojnë një prani të fortë të mafias shqiptare në Ekuador siç e vërteton dhe vrasja e bujshme pak kohë më parë e një mafiozi shqiptar në një restorant në Guayaqui. Kjo vrasje dëshmon se sa në nivel të lartë e i rëndësishëm është roli i mafias shqiptare në këto vende."