Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Raporti i DASH-it, Kalaja: Po i fton shqiptarët për të rrëzuar qeverinë. Ka një paradoks në këtë histori

Politiko 28 Korrik 2021, 15:41
Raporti i DASH-it, Kalaja: Po i fton shqiptarët për të
Aulon Kalaja

Aktivisti Aulon Kalaja ka reaguar lidhur me raportin e fundit të Departamentin Amerikan të Shtetit, i cili ngriti si shqetësim nivelin e korrupsionit, PPP-të, titujt e pronësisë dhe klimën jo të favorshme për të bërë biznes në Shqipëri.

Teksa rendit disa nga gjetjet, Kalaja ngre pyetjet se kush është autori i kësaj prapambetje dhe këtij korrupsioni. Ai thotë se përgjigja nuk mund të jetë e përgjithshme, tranzicioni dhe politikanët që kanë vepruar këto 30 vjet.

Kalaja shton se duhet të jetë më specifike dhe këtu i referohet 8 viteve qeverisje nga kryeministri Edi Rama, i cili sapo ka fituar dhe një mandat të tretë.

Aktivisti thotë se "Rama do mbahet mend si kryeministri që qeverisi pa gjykata, me një prokurori instrument në duart e tij, me kuvend një-ngjyrësh, me media të censuruar ose të auto-censuruara, me shoqëri civile të kapur dhe sponsorizuar, me krim dhe drogë, me polici politike private dhe me komitet shëndetësie si kamzhik në duart e tij".

Kalaja evidenton se ka një paradoks, që sipas tij është mbështetja dhe promovimi i personave që e kanë shkaktuar korrupsionin në Shqipëri. Ai shton se shqiptarët e kanë kuptuar paaftësinë për të larguar një qeveri që nuk i përfaqëson, pro sytë i kanë patur gjithmonë për ndihmë nga Amerika dhe Europa.

Në reagimin e tij, aktivisti nënvizon se shërbimi që po i bëjnë amerikanët shqiptarëve është ekzistencial. Ai thotë se nëse një raport i tillë do të dilte për vendet e Europës Perëndimore, qeveria e atij shteti do të largohej menjëherë.

Kalaja shkruan ndër të tjera se, "E nëse do të nisemi nga teoria se amerikanët, “nuk t’a japin gati peshkun, por të mësojnë se si të peshkosh”, duhet të kuptojmë që raporti i DASh, po i fton shqiptarët për të rrëzuar qeverinë".

Ai thotë se nuk mund t’i kërkojmë amerikanëve të mos bashkëpunojnë me qeverinë Rama, ose t’a rrëzojnë atë, pasi kjo është detyra e popullit shqiptar.

Të fundit