Flash News

I kërkuar në Shqipëri për vrasje, arrestohet në Greqi Ardian Ahmetaj, shoku i Laert Haxhiut

Dita e dytë e “Giro d’Italia 2025”, rrugët që do bllokohen në Tiranë

Tre efektivë policie në Tiranë nën hetim për veprime arbitrare ndaj një të mituri

DW: Zgjedhjet parlamentare, provë vendimtare për në BE

Gazment Bardhi me akuza të forta: Terroristë elektoralë të Ballukut po blejnë vota në Fier

E-TJERA

Raporti i DASH, Shkullaku: Shteti me fuqinë e tritolit kërcënon të gjithë ata që nuk shkojnë pas Ramës

Politiko 20 Mars 2023, 21:49

Raporti i DASH, Shkullaku: Shteti me fuqinë e tritolit kërcënon

Raporti i Departamentit të Shtetit ka qenë tema e diskutimit këtë të hënë në ‘Çim Peka LIVE’. Analisti Armand Shkullaku shprehet se, ka diskordanca mes qëndrimeve të përfaqësuesve të Departamentit të Shtetit këtu dhe atyre në Uashington.

‘Çdo vit e kemi lexuar raportin dhe na ka bërë përshtypje diskordanca mes qëndrimeve të përfaqësuesve të Departamentit të Shtetit këtu dhe atyre në Uashington. Kur lexojmë këtë raport dhe të tjerët më parë, ti ke përshtypjen se ke të bësh me një shtet që e meriton vlerësimin si demokraci hibride, që e meriton vendin ku është, përputhet plotësisht ky raport me të gjitha kritikat që kemi pasur dhe kemi për qeverinë. Por kjo është diskordancë të plotë me deklarimet e diplomatëve amerikanë këtu e në Uashington.

Ajo që ka të re ky raport mendoj unë, e shikoj si një paralajmërim për zgjedhjet e 14 majit, edhe pse është i vonë, sepse janë varrosur tashmë. Zgjedhjet kanë qenë në 2021 dhe raporti i DASH dy vjet pas këtyre zgjedhjeve, çfarë thotë aty. Siguroi avantazhe të rëndësishme, dhe e cilëson të rëndësishme. Çfarë; përdorimin e administratës, kontrollin mbi mediat, presionin ndaj medieve dhe nxjerrjen e të dhënave personale”, shprehet Shkullaku.

Shkullaku theksoi se, është i rëndësishëm fakti që në raport flitet me emra dhe raste konkrete. Ai vijon me tej teksa shprehet se Amerika zyrtare është e kujdesshme që me letra të jetë në rregull, por jo në atë që thotë me gojë.

“Amerika zyrtare është e kujdesshme që me letra të jetë në rregull, por jo në atë që thotë me gojë. E rëndësishme është cilësimi me emra i dy rasteve konkrete, siç është ajo e presionit ndaj deputetit të PD-së, Agron Shehaj. Pra përdorimi i administratës tatimore dhe policore ndaj një biznesi të caktuar. Dhe e dyta është shembja e ‘Prestige resort’, që për mua është rasti më i rëndë në historinë e 32 viteve, ku shteti me fuqinë e tritolit kërcënon të gjithë që nuk shkojnë pas Edi Ramës.

Kemi një raport që nëse do të ishte bërë në kohën e duhur do të kishte pasë vlerë’, u shpreh Shkullaku.

Të fundit