Raporti i EUROSTAT, Meta tregon masat që duhen marrë urgjentisht për të ndalur shpopullimin

Presidenti Ilir Meta

Presidenti Ilir Meta ka reaguar për shifrat e fundit të EUROSTAT, të cilat tregojnë se Shqipëria ka pësuar tkurrjen më të madhe të popullësisë nga migracioni në krahësim me të gjitha vendet e ballkanit.

Tregues tjetër është se në vitin 2019, Shqipëria zë vendin e parë për numrin e azilantëve ekonomikë për 10 mijë banorë.

Referuar këtyre të dhënave, Kreu i Shtetit thotë se Shqipëria lë pas edhe vende që sapo kanë dalë nga lufta dhe konfliktet civile.

“Një shqiptar ndihet sot më i pashpresë se një sirian, iraken dhe afgan”, shkruan Meta në Facebook.

Sipas tij e vetmja mënyrë për të ndalur shpopullimin e vendit është lufta efikase kundër varfërisë, zhdukja e monopoleve, anulimi i koncensioneve korruptive, rritja e prekshme e pagave dhe pensioneve, hapja e vendeve të reja të punës, ulja e taksave, krijimi i shanseve dhe i mundësive për të rinjtë.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm