Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Raporti i Freedom House: Korrupsioni dhe krimi i organizuar, probleme serioze për Shqipërinë

Politiko 9 Mars 2023, 08:35

Raporti i Freedom House: Korrupsioni dhe krimi i organizuar, probleme serioze

Një raport i fundit nga organizata Freedom House tregon se liria në botë shënoi rënie për të 17-in vit radhazi. Ofensiva ruse në Ukrainë solli një shkelje të rëndë të të drejtave të njeriut, dhe po ashtu grushte e shtetit në disa vende të botës si: Burkina Faso, Tunizia, Peruja dhe Brazili, dëmtuan qeveritë dhe sollën destabilizim.

Sipas raportit, dy vende pësuan rënie në statusin e përgjithshëm të lirisë: Peruja kaloi nga vend i lirë në pjesërisht të lirë dhe Burkina Faso kaloi nga vend pjesërisht i lirë në vend jo të lirë.

Në raport thuhet se 84 vende të botës përfshihen na kategorinë e vendeve të lira, ndërsa 57 në vende jo të lira.

Vendet e Ballkanit Perëndimor u renditën në mesin e vendeve pjesërisht të lira.

Amy Slipoëitz, nga organizata Freedom House, tha për Zërin e Amerikës se Shqipëria nuk shënoi ndonjë ndryshim nga e kaluara.

“Nga ana pozitive, liria fetare dhe liria e tubimit janë përgjithësisht fusha të respektuara. Ka fusha që mund të përmirësohen. Partitë politike janë shumë të polarizuara dhe korrupsioni dhe krimi i organizuar mbeten ende probleme serioze”, tha ajo.

Kosova shënoi një përmirësim prej katër pikësh në radhitjen e Freedom House që shkon deri në 100 pikë, duke e cilësuar si një nga përmirësimet më të mëdha në botë për vitin 2022.

“Ndër arsyet e përmirësimit ishin të drejtat politike. Rrjetet klienteliste kanë më pak ndikim në qeverinë aktuale, dhe gjithashtu ka pasur një rritje të përfaqësimit të grupeve të ndryshme si gratë e përkatësisë kombëtare serbe dhe pjesëtarëve të komunitetit LGBT plus, në institucionet qeveritare, por edhe në jetën politike në përgjithësi. Pastaj sa u përket të drejtave qytetare, liria akademike ka fituar terren në Kosovë. Ka më pak ndikim politik në emërimet e drejtuesve të universitetit”, tha ajo.

Të fundit