Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Raporti i KE, David Lega: Thelbësore që Shqipëria të plotësojë 15 kushtet, do të rrezikonte kredibilitetin e BE -së

Politiko 19 Tetor 2021, 19:44

Raporti i KE, David Lega: Thelbësore që Shqipëria të

Eurodeputeti dhe reporteri i Shqipërisë në Bashkimin Evropian, David Lega ka reaguar pas  publikimit të raportit të KE-së për Shqipërinë.

Sipas Legas, një reagim në Twitter, besueshmëria e BE -së varet nga përmbushja e Shqipërisë e 15 parakushteve të BE -së para se të vazhdohet me procesin e pranimit në BE.

Lega shkruan se anëtarët e rinj bashkohen pa respektuar plotësisht vlerat thelbësore të BE -së që do të minonin besueshmërinë e BE -së në tërësi. Ai është shprehur kundër minimizimit të kushteve për Shqipërinë në rrugën e saj të integrimit në BE.

Sipas tij nëse bëhet një gjë e tillë do të rrezikonte kredibilitetin e BE -së, si dhe të ardhmen demokratike të shqiptarëve.  

“KE vazhdon të përsërisë se besueshmëria e BE varet nga hapja e negociatave të pranimit me Shqipërinë. Ndërsa më duhet të theksoj se besueshmëria e BE -së varet nga përmbushja e Shqipërisë e 15 parakushteve të BE -së para se të vazhdohet me procesin e pranimit në BE.

Rruga drejt anëtarësimit në BE është një nga kërkesat që synojnë garantimin e demokratizimit, modernizimit, sundimit të ligjit, stabilitetit dhe rritjes. Nëse anëtarët e rinj bashkohen pa respektuar plotësisht vlerat thelbësore të BE -së që do të minonin besueshmërinë e BE -së në tërësi.  Minimizimi i kushteve të pranimit do të rrezikonte kredibilitetin e BE -së, si dhe të ardhmen demokratike të shqiptarëve.

BE -ja i detyrohet si qytetarëve të BE -së ashtu edhe miqve tanë shqiptarë që të shqyrtojnë me seriozitet reformat themelore të nevojshme në Shqipëri”- shkruan Lega.

 

Të fundit