Flash News

Igli Tare emërohet zyrtarisht si Drejtori Sportiv i ri i Milanit

Dy vëllezër tentojnë të vrasin kushëririn në Kukës, njëri arrestohet pas një viti në arrati

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

E-TJERA

Raporti për 2021/ Nga korrupsioni, PPP-të te pronat, problematikat që konstaton DASH; si manipulohet gjyqësori

Politiko 27 Korrik 2021, 13:27

Raporti për 2021/ Nga korrupsioni, PPP-të te pronat, problematikat

Departamenti Amerikan i Shtetit ka nxjerrë një raport për klimën e të bërit biznes në Shqipëri për vitin 2021, të cilën e konsideron të vështirë. Korrupsioni, mungesa e transparencës në prokurimin publik, konkurrenca e padrejtë, informaliteti dhe ndryshimet e shpeshta të legjislacionit fiskal, janë shqetësimet kryesore të bizneseve që reflektohen edhe në raportin e DASH.

Një tjetër faktor që pengon klimën e mire të të bërit biznes, Departamendi evidenton edhe PPP-të. Përdorimi në rritje i kontratave të partneritetit publik privat ka zvogëluar mundësitë për konkurrencë, përfshirë investitorët e huaj, në infrastrukturë dhe sektorë të tjerë.

Kështu thuhet në raport, ndërsa shtohet se analizat e dobëta të kostos e përfitimit dhe mungesa e ekspertizës teknike në hartimin dhe monitorimin e kontratave të PPP janë shqetësime të vazhdueshme.

Sipas DASH-it, investitorët amerikanë sfidohen nga korrupsioni dhe vazhdimi i praktikave informale të biznesit. Disa investitorë të SH.B.A.-së janë përballur me mosmarrëveshje të diskutueshme tregtare si me ente publike ashtu edhe me ato private, duke përfshirë disa që shkuan në arbitrazh ndërkombëtar.

Në raport merret si shembull eksperienca e një kompanie amerikanë që dëshironte të investonte në Shqipëri. Sipas DASH-it, investimi i kompanisë u pengua nga disa vendime gjyqësore dhe veprime të dyshimta të palëve të interesuara të përfshira në një mosmarrëveshje mbi investimin. Ndërkohë tashmë, çështja është në arbitrazh ndërkombëtar.

Një tjetër problematikë që evidentohet në gjetjet e fundit të Departamentit Amerikan të Shtetit janë çështjet e pronave. DASH i cilëson një sfidë fitimin e të drejtave të pronësisë.

Në raport thuhet se në Shqipëri ka pasur raste që individët kanë manipuluar sistemin gjyqësor për të marrë tituj të paligjshëm të tokës. Mbivendosja e titujve të pronave është një çështje serioze dhe e zakonshme, shton DASH.

Procesi i kompensimit të tokës së konfiskuar nga ish-regjimi komunist vazhdon të jetë i rëndë, joefikas dhe i papërshtatshëm, thuhet më tej.

Sa i përket nivelit të korrupsionit, DASH thekson se vendi vazhdon të ketë rezultate të dobëta në fushat e dhënies së lejeve të ndërtimit, pagimit të taksave, zbatimit të kontratave, regjistrimit të pronës, marrjes së energjisë elektrike dhe mbrojtjes së investitorëve të pakicave.