Flash News

Votat e diasporës, mbyllet procesi i numërimit për subjektet politike në 12 qarqe

Tema shpik shkrimin për “reagimin e figurave të PD” kundër Berisha & LaCivita. Autorja nuk ekziston dhe teksti është prodhim i ChatGPT (i cili po vetë e quan të sajuar)

U përplas me motor nga një 16-vjeçar, i moshuari përfundon në spitalin e Shkodrës

Këmbimi valutor, 18 maj 2025

Plagosje me thikë në Durrës, autori në arrati

E-TJERA

Raporti për pronat: Hartat kadastrale një ndër problemet më të mprehta, prekin Tiranën dhe bregdetin

Politiko 25 Prill 2022, 19:59

Raporti për pronat: Hartat kadastrale një ndër problemet më

Zyra e Avokatit të Popullit ka nënvizuar se respektimi it ë drejtës së pronës si një nga të drejtat themeltare mbetet në nivele shqetësuese në vendin tonë. Në raportin vjetor të 2021, Institucioni i Avokatit të Popullit evidenton hartat kadastrale si një prej problemeve më të mprehta.

Sipas raportit, ato shpesh nuk përputhen me situatën e pasurive të paluajtshme në terren, ndërkohë që bëhet fjalë për zonat më të rëndësishme të territorit, si Tirana e bregdeti.

Në shumë raste, kur ka kopje të ndryshme fletë harte, vihet në diskutim se cila hartë është aktuale apo e sakta. Në zyrat e ASHK-së të dhënat mbi parcelat nuk mungojnë, por nuk dihet me saktësi statusi i pronës”, theksohet në raport. 

Problematika që haset më shpesh është se njësitë e pasurive të paluajtshme (parcelat dhe ndërtesat) në shumë raste janë të pozicionuara gabimisht. Me kalimin e kohës për shkak të ndryshimeve në specifikime dhe referencë, problematika është rritur. Në shumë raste, kur ka kopje të ndryshme fletë harte, vihet në diskutim se cila hartë është aktuale apo e sakta.

Në zyrat e ASHK-së të dhënat mbi parcelat nuk mungojnë, por nuk dihet me saktësi statusi i pronës, thekson më tej në raport Avokati i Popullit. Kjo situatë është përgjithësisht më e komplikuar në zonat urbane, sidomos në Tiranë dhe rreth saj, si dhe në zonat bregdetare më të mëdha, ku ka shumë ndërtime informale.

Gabimet në regjistrimet e pronave përgjithësisht reflektohen në kufi të gabuar, madhësinë e parcelës dhe dokumentacionin e pronësisë. “Gabimet zakonisht zbulohen në kohën kur bëhet një transaksion në njësinë përkatëse të pasurive të paluajtshme pasi pronari i pronës apo pronarët kufitarë nuk kanë dijeni për gabimet në të dhënat kadastrale mbi pasuritë”, thekson raporti.

Një tjetër problematikë e nënvijëzuar nga Avokati i Popullit në vite dhe vazhdon të jetë prezent, është shpronësimi për interes publik i pronës private nga shteti, ku në raport theksohet se qytetarët ndihen të pafuqishëm dhe nuk kujdeset për interesat pronësore të tyre. 

Çështja e regjistrimit në regjistrin e pasurive të paluajtshme të Agjencisë Shtetërore të Kadastrës të 26 mijë vendimeve të dhëna në vite prej Agjencisë së Trajtimit të Pronës të njohjes së pronës me të drejtë kompensimi mbetet edhe sot e pazgjidhur, thekson Avokati i Popullit, duke këshilluar që pronarët të kompensohen me tokë shtetërore dhe jo me para në dorë, gjë që do të cenonte rëndë buxhetin e shtetit.

 

 

Të fundit