Rastet e abuzimit nga bluzat e bardha, mjeku: Sistemi ka marrë goditje në themel, kriza prodhon përbindësha

Foto Ilustruese

Mjeku Erion Dasho ka reaguar për rastin, ku infermierja kishte vjedhur pacientin e shtruar me Covid-19. Ai thotë se këto skandale që po ndodhin në spitale tregojnë se mjekësia shqiptare ka marrë goditje në themel, te humanizmi, etika dhe deontologjia.

Përmes një postimi në Facebook, ai thotë se vetëm një vend në krizë të thellë morale dhe shoqërore prodhon “përbindësh” të tillë. Ai shkruan se në një shoqëri ku fryma e abuzimit dhe vjedhjes vjen nga qeveritarët depërton deri tek rojet dhe sanitarët.

Sistemit shëndetësor i është shembur sot gjithçka, duke nisur nga themelet dhe duke përfunduar tek çatia, shton ai.

Sipas mjekut, ky fakt nuk fshehihet nga propaganda e qeverisë.

“Koha për një reformë shëndetësore rrënjësore që do ta bëjë "reset" krejt sistemin”, përmbyll reagimin e tij Dasho.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm